ۇكىمەت باسشىسى ستەپنوگوردەگى قازاقستاننىڭ جىلىجاي كەشەنىنىڭ جۇمىسىمەن تانىستى - فوتو

كوكشەتاۋ. قازاقپارات - ۇكىمەت باسشىسى كارىم ءماسىموۆ اقمولا وبلىسىنا جۇمىس ساپارى بارىسىندا ستەپنوگوردەگى «قازاقستاننىڭ جىلىجاي كەشەنى» ج ش س- ءنىڭ جۇمىسىمەن تانىستى،

دەپ حابارلايدى «قازاقپارات» ءتىلشىسى.

ءوڭىردىڭ يندۋستريالاندىرۋ كارتاسىنا ەنگەن كاسىپورىن ءوندىرىس كولەمىن ۇلعايتۋدى كوزدەپ وتىر. قازىرگى كەزدە مۇندا تامشىلاتۋ ءادىسى بويىنشا قيار مەن قىزاناقتىڭ ءتۇر -ءتۇرى وسىرىلۋدە. الداعى ۋاقىتتا ءوندىرىس كولەمى ارتتىرۋ كوزدەلگەن.

 «كەشەننىڭ اۋماعى 3,5 گەكتار. بيىل گەكتار كولەمىن ۇلعايتۋ جوسپاردا بار. الداعى 2017-2018 - جىلدارى جىلىجاي كولەمىن 6 گەكتارعا دەيىن ۇلعايتىپ، قۇلپىناي جانە قىزاناق كولەمىن ارتتىرامىز. قازىردىڭ وزىندە 2,5 گەكتار جەرگە ءبىز قۇلپىناي ءوسىرۋدى سىناقتان وتكىزۋدەمىز. وسى كۇنى جىلىجايدا 100 ادام جۇمىس ىستەسە، ءوندىرىس كولەمى ۇلعايتىلعان كەزدە 150-160 ادامعا جەتپەك»، دەپ اتاپ ءوتتى الەكساندر گريباليەۆ.