جەرگىلىكتى پوليتسيانىڭ حابارلاۋىنشا، قىتايلىق جۋرناليستەردىڭ قىمبات اپپاراتۋرالارى قولدى بولعان. سەمسەرلەسۋشىلەر مەن ساداقشىلارى سپورت جابدىقتارىنان، اقشالارىنان جانە نەسيە كارتالارىنان ايىرىلىپ قالىپتى.
وسى كەلەڭسىزدىككە بايلانىستى «ريو-2016» ۇيىمداستىرۋ كوميتەتىنىڭ وكىلى ماريو اندرادا ولاردان كەشىرىم سۇراپ، جوعالتقان زاتتارىن تەزىرەك تابۋعا تىرىساتىندارىن ايتتى. سونداي- اق، ماريو اندرادا باسقا دا سپورتشىلار مەن قوناقتاردى ساقتانىپ جۇرۋگە شاقىرىپ، قىمبات زاتتارىن سومكەلەرىنەن شىعارماۋعا كەڭەس بەردى.