تاتارستاندا تۇركى حالىقتارىنىڭ ءداستۇرلى مادەنيەتىنە قاتىستى كونفەرەنسيا وتەدى
10:27, 05 - تامىز 2016
استانا. قازاقپارات - 2017 -جىلدىڭ ءساۋىر ايىندا تاتارستان استاناسى قازان قالاسىندا «الماعايىپ الەمدەگى تۇركى حالىقتارىنىڭ ءداستۇرلى مادەنيەتى» اتتى 1 - حالىقارالىق عىلىمي- تاجىريبەلىك كونفەرەنسيا وتەدى.
حالىقارالىق تۇركى اكادەمياسىنىڭ باسپا ءسوز قىزمەتىنىڭ حابارلاۋىنشا، جيىندا كوتەرىلەتىن نەگىزگى تاقىرىپتار - تۇركى حالىقتارىنىڭ ءداستۇرلى مادەنيەتىنىڭ بۇگىنگى احۋالى، زەرتتەلۋى، ءپان ارالىق اسپەكتىلەرى، تۇركىلەردىڭ فولكلورى مەن مۋزىكاسى بولماق.
كونفەرەنسياعا عىلىمي قىزمەتكەرلەر، ءبىلىم بەرۋ قۇرىلىمدارىنىڭ وقىتۋشىلارى جانە اسپيرانتتار قاتىسادى.
تاتارستان رەسپۋبليكاسى مادەنيەت مينيسترلىگىنىڭ قولداۋىمەن وتەتىن عىلىمي جيىن اياسىندا دوڭگەلەك ۇستەلدەر، سەمينارلار مەن ماستەر كلاسستار وتكىزۋ جوسپارلانعان.