ق ر ۇلتتىق وليمپيادالىق كوميتەتىنىڭ پرەزيدەنتى تيمۋر قۇلىبايەۆ سپورتشىلارمەن جۇزدەستى - فوتو

ريو- دە- جانەيرو. قازاقپارات - بۇگىن ريو- دە- جانەيروداعى وليمپيادالىق قالاشىقتا ق ر ۇلتتىق وليمپيادالىق كوميتەتىنىڭ پرەزيدەنتى تيمۋر قۇلىبايەۆ سپورتشىلارمەن جۇزدەسىپ، ولارعا ساتتىلىك تىلەدى.

بۇل تۋرالى ريوداعى قازاقپارات ءتىلشىسى حابارلادى.

«قۇرمەتتى ەل نامىسىن قورعاۋعا كەلگەن سپورتشىلار! ارتتارىڭدا سەندەردەن ۇلكەن ءۇمىت كۇتىپ وتىرعان ەلدەرىڭ بار. سەندەر سول ءۇمىتتى اقتاۋلارىڭ كەرەك. مەن بارلىقتارىڭا ساتتىلىك تىلەيمىن. جەڭىستەرىڭىز كوپ بولسىن. سەندەردىڭ جەڭىستەرىڭ ەلدىڭ قۋانىشى»، - دەپ اتاپ ءوتتى تيمۋر قۇلىبايەۆ.

سونىمەن قاتار ۇلتتىق وليمپيادالىق كوميتەتىنىڭ پرەزيدەنتى سپورتشىلارمەن سۋرەتكە ءتۇسىپ، وليمپيادالىق قالاشىقتى ارالادى. وسى ورايدا، الەم ەلدەرىنىڭ وليمپيادالىق كوميتەتتەرىنىڭ باسشىلارى مەن داڭىقتى سپورتشىلارى قول قوياتىن تاقتاعا ءوزىنىڭ قول تاڭباسىن قالدىرىپ، «جارقىن جەڭىستەر تىلەيمىن» دەگەن ءسوز قالدىردى.

اۆتور: كۇنسۇلتان وتارباي