قازاقستاندىق مەرگەندەر تۇنگى وق اتۋلاردا بارلىق پوزيتسيالار بويىنشا وزىق شىقتى - فوتو

استانا. قازاقپارات - «مەرگەن شەبى» بايقاۋىنىڭ ءبىرىنشى كەزەڭىندەگى جەكە سىناقتا قازاقستاندىق كوماندا بارلىق وق اتۋ تۇرىنەن ۇزدىك شىقتى.

بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.

 ءبىزدىڭ مەرگەندەر بىردەي ەڭ ۇزدىك ۋاقىتتى كورسەتە وتىرىپ، بارلىق نىسانانى ءدال كوزدەدى. الەمنىڭ 12 ەلى اراسىنان تۇنگى سايىستا دالدەپ اتۋدان شەبەرلەرىن انىقتاۋدا جەڭىسكە جەتكەن ءبىزدىڭ اسكەري قىزمەتشىلەر تاعى ءبىر مارتە ءوز كاسىبي دەڭگەيىن ءىس جۇزىندە تانىتتى.

 بايقاۋدا شەبەرلىگى مەن دەنە شىدامدىلىعىن سىناعاندار قىتاي، رەسەي، ۆەنەسۋەلا، قىرعىزستان، بەلارۋس، زيمبابۆە، ءۇندىستان، يران، موڭعوليا، گرەكيا جانە ارمەنيا مەرگەندەرى. قاتىسۋشىلارعا شابۋىل جاساۋعا ءۇش نىسانا بەرىلدى: ارا قاشىقتىعى 200-250 جانە 300-400 مەتردى بولاتىن «كەۋدە ءمۇسىنى» ، سونداي- اق، «وقشاشارلىق ەسەپتوپ». بۇل نىسانانى 500-600 مەتر قاشىقتىقتا تۇرىپ اتۋ كەرەك بولاتىن. سايىسقا قاتىسۋشىلار دراگۋنوۆ - سۆد- س مەرگەن مىلتىعىنان اتىس جۇرگىزدى. تۇنگى جاعدايدا نورماتيۆتەردى تاپسىرۋ تۇندە كوزدەۋگە ارنالعان «اسەلسان» قازاقستاندىق ءونىمىن قولدانۋ ارقىلى ورىندالدى.

 اتالعان «مەرگەن شەبى» بايقاۋى 9 - تامىزعا دەيىن جالعاساتىنىن ايتا كەتكەن ءجون. «ءماتىبۇلاق» پوليگونىنداعى وتار 40- اسكەري بازاسىندا ءدال قازىرگى ۋاقىتتا قىزۋ ءوتىپ جاتقان ارميا ويىندارىن بارلىق نيەت بىلدىرگەندەر كورۋگە بولادى. قازاقستان رەسپۋبليكاسى قورعانىس مينيسترلىگىنىڭ mod.gov.kz رەسمي سايتىندا كۇندە حالىقارالىق ويىنداردىڭ تىكەلەي كورسەتىلىمى جۇرگىزىلۋدە.