ەگىزدەردىڭ ءتولقۇجاتىندا فوتولارى ۇقساس بولعاندىقتان شەتەلگە جىبەرىلمەدى
بۇل تۋرالى سارسەنبى، 3 - تامىزدا ن ت ۆ تەلەارناسىنا سىلتەمە جاساپ لەنتا. رۋ حابارلادى.
بەس بالاسى، ونىڭ ىشىندە ۇشەم بار پانچەنكولار جانۇياسى دەمالىستارىن تايلاندا وتكىزبەك بولعان. شەكارادا ەگىزدەرمەن پروبلەما تۋىندادى: كوشى- قون قىزمەتى بارلىق ءتولقۇجاتتارعا بىردەي فوتو جاپسىرىلعان دەپ مالىمدەدى. سالدارىنان يانا مەن ماكاردى ەلدەن شىعارعان جوق. تەك، ازىرگە ەسىمى اتالماي وتىرعان ولاردىڭ اعاسى عانا تەڭىزگە ۇشا العان.
بالالارمەن بىرگە قالعان اتاسى يگور ساندراگايلوۆتىڭ تۇسىندىرۋىنشە، ەگىزدەردىڭ ەكى ايلىق كەزىندە شەتەلدىك پاسپورت تولتىرىلعان. قازىر دە وتە ۇقساس ەگىزدەر وندا ءتىپتى بىردەي بولعان. شاماسى سوندىقتان پروبلەما تۋىنداعان بولۋى كەرەك.
ءبىر قىزىعى، بالالار وسى قۇجاتپەن وتكەن جىلى ەشقانداي كەدەرگىسىز ەگيپەتكە بارعان.
دەگەنمەن رەيستەن الىپ قالعان يانا مەن ماكارعا شۇعىل جاڭا پاسپورت تولتىرۋعا تۋرا كەلدى. بۇل جولى ەكەۋىن اجىراتا الۋ ءۇشىن تۇرلىشە كيىندىرىپ، فوتوعا ءتۇسىردى. اراعا اپتا سالىپ بالالار تايلانتقا اتتانىپ كەتتى.