شەتەل ازاماتتارىن زاڭسىز وتكىزبەك بولعان پويىز جولسەرىگى ۇستالدى

استانا. قازاقپارات - 2 -تامىز كۇنى تۇركىستان ستانساسىنىڭ جەلىلىك پوليتسيا ءبولىمى جانە ارىس كولىك پروكۋراتۋراسىنىڭ قىزمەتكەرلەرى بىرلەسە جۇرگىزگەن رەيدتىك ءىس- شارالارى بارىسىندا وزبەكستان رەسپۋبليكاسىنىڭ ازاماتى ءۇشىن «ۋفا- تاشكەنت» باعىتىنداعى جولاۋشىلار پويىزى جولسەرىگىنىڭ زاڭسىز كوشى- قون ۇيىمداستىرۋ فاكتىسى انىقتالدى.

بۇل تۋرالى كولىكتەگى ءى ءى د باسپا ءسوز قىزمەتى حابارلادى.

تەمىرجول مەكەمەسىنىڭ 27 جاستاعى قىزمەتكەرى رەسەي فەدەراتسياسىنىڭ مەلۋز ستانساسىنان وزبەكستان رەسپۋبليكاسىنىڭ تاشكەنت ستانساسىنا دەيىن وزبەكستان رەسپۋبليكاسىنىڭ ءۇش ازاماتىن قازاقستان رەسپۋبليكاسىنىڭ اۋماعىنان وتكىزۋ ماقساتىندا پويىز ۆاگونىنا ورنالاستىرعان.

قازىرگى ۋاقىتتا ق ر ق ك- نىڭ 394 -بابى (زاڭسىز كوشى- قوندى ۇيىمداستىرۋ) بويىنشا سوتقا دەيىنگى تەرگەۋ امالدارى جۇرگىزىلۋدە.

جىل باسىنان بەرى ەلىمىزدىڭ كولىك پوليتسەيلەرى ق ر كوشى-قون زاڭناماسىن بۇزعانى ءۇشىن 42 ازاماتتى قىلمىستىق جاۋاپكەرشىلىككە تارتقان، سونىڭ ىشىندە زاڭسىز كوشى-قون ۇيىمداستىرۋ بويىنشا 6 فاكت انىقتالعان.