جامبىل وبلىسىندا ەمگە شيپا، دەرتكە داۋا سۋسىن وندىرىلۋدە
جۋىردا، «بيزنەستىڭ جول كارتاسى - 2020» باعدارلاماسى بويىنشا قوجالىققا 7 شاقىرىم ەلەكتر جەلىسى ورناتىلعان.
بۇگىندە «شاۋشەن» شارۋا قوجالىعى قارا بۇلاق شاتقالىنىڭ ماڭىنان ورىن تەپكەن شيپاجاي كەشەنىنىڭ قۇرىلىسىن اياقتاپ جاتىر. بۇل شيپاجايداعى ەمدەلۋشىلەردىڭ بارلىق دەرتىنە قازاقتىڭ ۇلتتىق سۋسىنى - قىمىز ەم بولادى. دەمالۋشىلارعا جىلىنا 10 تونناعا دەيىن قىمىز وندىرىلەتىن بولادى.
اتالعان شيپاجاي ايماعى 200 ادامعا لايىقتالعان. جوبانىڭ جالپى قۇنى 2 ميلليارد تەڭگە. ىسكەر بۇل ايماققا ساكى ورناتىپ، كيىز ءۇي قالاشىعىن، تەننيس الاڭىن، بالالارعا ارنالعان الاڭقاي جانە فۋتبول الاڭىن جاساپ، جابدىقتاۋدى جوسپارلاپ وتىر. بۇدان وزگە شارۋاشىلىق وزدەرىنىڭ جەكە جىلىجايىن دا سالماق.
بارلىق قۇرىلىس جۇمىستارىن 2016 -جىلدىڭ كۇز ايلارىندا اياقتاۋ جوسپارلانعان.
ت. رىسقۇلوۆ اۋدانى، كوگەرشىن اۋىلىندا ورنالاسقان قىمىزبەن ەمدەۋ ورتالىعى قازىردەن باستاپ كەلۋشىلەردى قابىلداۋدا. تابيعاتتىڭ ادام ورگانيزمىنە جاعىمدى اسەر ەتۋى ءۇشىن مۇندا بار جاعداي جاسالعان. قىمىزبەن ەمدەۋدىڭ ءبىر كۋرسى - ون كۇن.