قازاقستاندا ارميا حالىقارالىق ويىندارى باستالدى - فوتو
ق ر قورعانىس مينيسترلىگى وركەسترىنىڭ سالتاناتتى مارشىمەن ارمي-2016 دوداسىنىڭ تۋى كوتەرىلدى.
قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ جارىستىڭ رەسمي باستالعانىن جاريا ەتتى.
ويىننىڭ اشىلۋ باعدارلاماسىنىڭ وزگەشەلىگى تەاترلاندىرىلعان قويىلىم بولدى.
«ارمي-2016 شەڭبەرىندەگى «ارتيللەريالىق وق اتۋ شەبەرلەرى» جانە «مەرگەن شەبى» ءىرى سايىستارى قازاقستاندا تامىزدىڭ 2- مەن 9-ى ارالىعىندا وتەدى. جارىسقا قاتىسۋ ءۇشىن ەلىمىزگە 12 ەلدەن كوماندالار كەلدى. «مەرگەن شەبى» بايقاۋىندا قازاقستان، ۆەنەسۋەلا، قىرعىزستان، قىتاي، رەسەي، بەلارۋس، زيمبابۆە، ءۇندىستان، يران، موڭعوليا، گرەكيا، ارمەنيانىڭ اسكەري قىزمەتشىلەرى ونەر كورسەتەدى. ۇزدىكتەر اتاعى ءۇشىن باق سىناسۋداعى ارتيللەرياشىلاردىڭ سايىسىندا قازاقستان، ۆەنەسۋەلا، قىرعىزستان، قىتاي جانە رەسەيدىڭ وكىلدەرى باسەكەگە تۇسەدى. جالپى العاندا، ەكى بايقاۋعا 278 ادام قاتىسادى. ياعني، 32 قازاقستاندىق اسكەري قىزمەتشى جانە 246 شەتەلدىك قاتىسۋشى»، - دەلىنگەن حابارلامادا.
ارميا حالىقارالىق ويىندارى حالىقارالىق ىنتىماقتاستىقتىڭ، تاجىريبە الماسۋدىڭ، بەيبىتشىلىك پەن نيەتتەستىك كەپىلىنىڭ جاڭا سيمۆولىنا اينالعان.