ق ر جوعارعى سوتىنىڭ ءتوراعاسى سوت دەپارتامەنتىنىڭ جاڭا باسشىسىن تانىستىردى
16:16, 01 - تامىز 2016
استانا. قازاقپارات - ق ر جوعارعى سوتىنىڭ ءتوراعاسى قايرات ءمامي جوعارعى سوتتىڭ سۋديالارى مەن اپپاراتىنا سوتتاردىڭ قىزمەتىن قامتاماسىز ەتۋ دەپارتامەنتىنىڭ جاڭا باسشىسىن تانىستىردى.
ق ر جوعارعى سوتىنىڭ سوتتاردىڭ قىزمەتىن قامتاماسىز ەتۋ دەپارتامەنتىنىڭ جاڭا باسشىسى اباي توقسابا تانىستىرىلدى
ا. توقسابا 1960 -جىلى دۇنيەگە كەلگەن. الماتى حالىق شارۋاشىلىعى ينستيتۋتىن، اباي اتىنداعى الماتى مەملەكەتتىك ۋنيۆەرسيتەتىن ءتامامداعان. ەكونوميست، زاڭگەر، ەكونوميكا عىلىمدارىنىڭ كانديداتى.
جوعارعى كەڭەس اپپاراتىنىڭ قارجى- شارۋاشىلىق ىستەرى باسقارماسىنىڭ سەكتور مەڭگەرۋشىسى، سەنات اپپاراتىنىڭ وڭىرلىك دامۋ جانە جەرگىلىكتى ءوزىن- ءوزى باسقارۋ كوميتەتىمەن ءوزارا بايلانىس جاساۋ ءبولىمىنىڭ، اكىمشىلىك ءبولىمىنىڭ مەڭگەرۋشىسى، اپپارات باسشىسىنىڭ ورىنباسارى، ۇيىمداستىرۋ- باقىلاۋ جانە كادر، رەداكسيالىق- باسپا بولىمدەرىنىڭ مەڭگەرۋشىسى بولىپ قىزمەت اتقارعان.
اۆتور: ن. نۋراحمەت