اسەت نايمانبايەۆ اتىنداعى ءداستۇرلى اندەر بايقاۋىنىڭ جەڭىمپازدارى بەلگىلى بولدى

وسكەمەن. قازاقپارات - اسەت نايمانبايەۆ اتىنداعى «ءىنجۋ- مارجان» Ⅲرەسپۋبليكالىق ءداستۇرلى اندەر بايقاۋى اياقتالدى. قازاقستان تاۋەلسىزدىگىنىڭ 25 جىلدىعىنا ارنالعان بايقاۋدىڭ ۇزدىك انشىلەرى انىقتالدى.

بايقاۋ قورىتىندىسى بويىنشا الماتى، اقتوبە جانە ءۇرجار اۋدانىنىڭ وكىلدەرى 3- ورىنعا يە بولدى. Ⅱجانە 1 ورىندارعا شىعىس قازاقستاندىقتار قول جەتكىزدى. ال باس جۇلدەگە اقمولا وبلىسىنىڭ وكىلى اسقار مۇقيات يە بولدى.

 شىعىس قازاقستان وبىلىسى اكىمىنىڭ ورىنباسارى جاقسىلىق ومار قاتىسۋشىلارعا بايقاۋعا بەلسەندى قاتىسقانى ءۇشىن العىس ءبىلدىردى. سونداي- اق ول كەلەسى جىلى اسەت نايمانبايەۆ تۋعانىنا 150 جىل بولاتىنىن ايتتى.

 ءۇرجار اۋدانى اكىمشىلىگىنىڭ ۇسىنىسىمەن ءا. نايمانبايەۆ اتىنداعى ادەبي- مەموريالدىق مۋزەي مەڭگەرۋشىسى ابەن تايعىن ۇلىنا ءۇرجار اۋدانىنىڭ قۇرمەتتى ازاماتى اتاعى بەرىلدى. شارا گالا- كونسەرتكە ۇلاستى.