ريم پاپاسى يسلامدى زۇلىمدىقپەن شاتاستىرماۋعا شاقىردى
11:30, 01 - تامىز 2016
استانا. قازاقپارات - ريم پاپاسى فرانتسيسك دىنگە سەنۋشىلەردى يسلام مەن زۇلىمدىقتى شاتاستىرماۋعا شاقىردى، دەپ حابارلادى Reuters.
«مۇسىلماندىق زۇلىمدىقتى ايتۋ ۇنامايدى. ويتكەنى ءار كۇنى گازەت بەتتەرىن اشقاندا يتاليادا بىرەۋ ءوزىنىڭ سۇيىكتىسىن، بىرەۋ ەنەسىن ءولتىردى دەگەن اقپاراتتى وقىپ وتىرامىن. مۇنى ىستەگەن كاتوليكتەر. ەگەر مۇسىلماندىق زۇلىمدىق تۋرالى ايتاتىن بولساق، وندا كاتوليكتىك زۇلىمدىق تۋرالى دا ايتقان ءجون»، - دەدى ول.
سونداي- اق ول تەرروريزمنىڭ پايدا بولۋىنا اقشانى اسا دارىپتەۋ، الەمدىك ەكونوميكانىڭ ورتالىعى رەتىندە ادامدى ەمەس، اقشانى ۇلىقتاۋ لاڭكەستىكتى تۋدىرۋعا سەبەپ بولعانىن ايتتى.