دۋبايدا تۇرعىزىلىپ جاتقان توبەسى كوك تىرەگەن عيماراتتار تروپيكالىق كليمات قۇرادى - فوتو
دەپ حابارلايدى Naked Science.
ەكى ءزاۋلىم عيماراتتان تۇراتىن بيىك مۇنارالاردىڭ جالپى اۋماعى 186000 شارشى مەتر. ەكى مۇنارا دا 53 قاباتتان بولادى. ال بىرەۋىندە 448 بولمەلىك ءبىرىنشى كلاستى وتەل بولسا، ەكىنشىسىندە 280 پاتەر بار.
مۇناراعا كىرەر جەر اسا ۇلكەن تروپيكالىق ورماندا جۇرگەندەي اسەر قالدىراتىن 3D- پروەكتسيالارمەن جابدىقتالادى.
بۇدان باسقا ءتۇرلى اۋديوۆيزۋالدى، روبوتوتەحنيكالىق جانە 3D- تەحنولوگيالار ونىڭ اسەرىن كۇشەيتە تۇسەتىن بولادى.
ءزاۋلىم عيماراتتاردىڭ باستى ەرەكشەلىگى اۋماعى 7000 شارشى مەتر اشىق تروپيكالىق ورمان بولماق. مۇندا قوعامدىق اتتراكسيون، تروپيكالىق وسىمدىكتەر جانە تروپيكالىق ىلعالدى اۋا جۇيەسى ورناتىلادى.
ساۋلەتشىلەردىڭ ايتۋىنشا، وسىندا جاڭبىر مەن تۇماندى دا كوزگە ەلەستەتە الاسىز.
تاعى ايتا كەتەر جايت، ەكى عيماراتتا اسا جىلدام ليفتتەرمەن، جۇكتى نومەرگە اكەپ بەرەتىن روبوتتالعان جۇيەلەرمەن جاراقتالادى.
قازىرگى ۋاقىتتا بۇلاردىڭ قۇرىلىسى ءجۇرىپ جاتىر جانە 2018 -جىلى ءبىتۋى كۇتىلۋدە.