شىعىس قازاقستانداعى قىمىزدىڭ ەرەكشەلىگى تۋريستەردىڭ نازارىن اۋدارىپ وتىر
دەپ حابارلايدى 24.kz.
بۇگىندە ولار ساۋىپ وتىرعان قىمىزدى ءوڭىر- وڭىردەن ىزدەپ كەلىپ ىشەتىندەر جەتەرلىك. ال تاپسىرىس بەرەتىندەر تىپتەن كوپ. سوندىقتان شارۋاقور جانۇيا مەملەكەتتىك باعدارلاما بويىنشا جەڭىلدەتىلگەن نەسيە الىپ، ساۋىن مال باسىن كوبەيتىپتى. قازىر كاسىپتەرى ورگە باسىپ، ساتىپ وتىرعان سۋسىندارى ناعىز برەندكە اينالعان، تاناسى ارايلىم جەلمەنوۆانىڭ كۇندەلىكتى كاسىبى وسى. ءپىسىپ وتىرعان قىمىزىنىڭ ءتىل ۇيرەردەي ءدامدى بولۋى ءۇشىن بۇكىل جانىن سالادى. ول ەڭبەگى ەش كەتىپ تە جاتقان جوق. بۇگىندە وتاعاسى قاينار ەكەۋىن بۇكىل اۋدان تانيدى. ءتىپتى قاينار قىمىز كەرەك دەپ، ات ارىلتىپ ىزدەپ كەلەتىندەردى كورگەندە توبەلەرى كوككە جەتكەندەي بولادى.
- قاراعاي، بالقاراعاي اراسىندا مىناداي ءارتۇرلى ءشوپ وسەتىن جەردە قىمىز ءدامى وتە ەرەكشە، بالداي قىمىزىمىز. 12 جىل بولدى ساۋىپ وتىرعانىمىزعا. قىمىزىمىز اتاقتى. قاينار قىمىزى دەپ جۇرتشىلىق ىزدەپ كەلەدى»، - دەيدى فەرما جەتەكشىسى ارايلىم جەلمەنوۆا.
ساپاسىن تومەندەتپەۋ ءۇشىن ساۋىن بيەلەر تاۋداعى قالعان بيەلەرمەن الماستىرىلىپ تۇرادى. ارايلىم ءتىپتى ءداستۇرلى سۋسىندى قىسقا ساقتاۋدىڭ دا ءادىسىن مىقتى مەڭگەرگەن. سوندىقتان بۇل شاڭىراقتا قىسى- جازى قىمىز ۇزىلمەيدى. وسىعان ساي تۋريستەر دە ءجيى ات باسىن بۇرادى. تۋريست تالعات ءاليحانوۆتىڭ ايتۋىنشا، التايدىڭ بوكتەرىندە جۇرگەن بيەنىڭ قىمىزى ەرەكشە. باستاپقىدا بەس بيەمەن ءىس باستاعان فەرمادا قازىر 100 جىلقى بار.
ايتا كەتكەن ءجون، وتكەن جىلى قاتونقاراعاي اۋدانىنداعى قىمىز شارۋاشىلىعىن قولداۋ ءۇشىن 72 ميلليون تەڭگە بولىنگەن ەكەن.