قازاق- تۇرىك ليتسەيلەرى قازاقستاندا جابىلمايدى - ق ر ءبىلىم جانە عىلىم مينيسترلىگى
قازاقستاندا اتالعان وقۋ ورىندارى (ەلىمىزدە 27 ليتسەي بار) جۇمىسىن جالعاستىرادى، اتا- انالارعا، وقۋشىلارعا الاڭدايتىن نەگىز جوق.
ق ر ب ع م باسپا ءسوز قىزمەتى حابارلاعانىنداي، ق ت ل- دىڭ تۇركياعا ەش قاتىسى جوق، ونىڭ وقۋ ساياساتى قازاقستاندىق جانە حالىقارالىق ءبىلىم ستاندارتتارىنا ساي جاسالعان. ق ت ل قىزمەتىن قاداعالايتىن «KATEV» حالىقارالىق قورى پرەزيدەنت ن. نازاربايەۆ پەن ت. ءوزالدىڭ قولداۋىمەن قازاقستان مەن تۇركيانىڭ ءبىلىم بەرۋ سالاسىنداعى كەلىسىمىنىڭ نەگىزىندە قۇرىلعان.
«ق ت ل ءوز وقۋشىلارىنىڭ جوعارى ءبىلىم دەڭگەيىن پاش ەتتى جانە ەلدەگى ءبىلىم بەرۋ وردالارى ىشىندە ۇزدىكتەردىڭ قاتارىندا. سوڭعى ءۇش جىلدىڭ ىشىندە ق ت ل وقۋشىلارى 5327 مەدال جەڭىپ الدى، ولاردىڭ 986 سى برازيليا، ا ق ش، رەسەي، وڭتۇستىك كورەيا، قىتاي، رۋمىنيا، كانادا، گرەكيا، گرۋزيا، گەرمانيا، جاپونيا ەلدەرىندە وتكەن حالىقارالىق وليمپيادادان ەنشىلەگەن مەدالدار. ق ت ل- دا 1124 وقىتۋشى جۇمىس ىستەيدى، ولاردىڭ 1030 ى قازاقستان ازاماتتارى (�,7)، تۇركيا ازاماتتارى - 94 (%8,3)»، - دەلىنگەن حابارلامادا.
ق ت ل قازاق تىلىندە وقىتاتىن دارىندى بالالارعا ارنالعان ولىستىق ليتسەي- ينتەرناتتار بولىپ تابىلادى. بيىل 1 634 بالا ليتسەيدى ءبىتىردى. ۇ ب ت- داعى ورتاشا بالل 102,3 باللدى قۇرادى. ۇ ب ت-2016 قورىتىندىسى بويىنشا، ق ت ل «قازاقستاننىڭ ۇزدىك 100 مەكتەبى» قاتارىنا ەندى. ق ت ل- دا تاربيە جۇمىسى قازاقستان رەسپۋبليكاسىنىڭ ۇزدىكسىز ءبىلىم بەرۋ تۇجىرىمداماسىنا، «ماڭگىلىك ەل» جالپىۇلتتىق يدەياسىنا، ق ر پرەزيدەنتىنىڭ «قازاقستان-2050» جولداۋىنا سايكەس جۇزەگە اسىرىلادى.
«قازاق- تۇرىك ليتسەيلەرىنىڭ وتاندىق ءبىلىم بەرۋ سالاسىندا ءوزىنىڭ ورنى بار، جانە ولاردىڭ قىزمەتىن باسقا ەلدىڭ ساياسي احۋالىنا قاتىستى بايلانىستىرۋدىڭ قاجەتى جوق. سىرتتان ولارعا قىسىم جاساۋعا ەشكىم دە قۇقىلى ەمەس، ولار - قازاقستان مەكتەپتەرى مەن قازاقستان ازاماتتارى»، - دەيدى ق ر ب ع م ءوزىنىڭ مالىمدەمەسىندە. - ءبىز رەسمي تۇردە مالىمدەيمىز، ق ت ل مەن «KATEV» قورىندا وزگە ەلدەردىڭ جەكە تۇلعالارىمەن، ۇيىمدارىمەن جانە ۇكىمەتتەرىمەن ەشقانداي بايلانىس جوق».
اۆتور: جاسۇلان جولدىبايەۆ