قوستانايدا اۆتوبۋس اپاتقا ۇشىرار الدىندا اعايىندى ەكى جىگىت ءتۇسىپ قالعان
08:34, 30 - شىلدە 2016
استانا. قازاقپارات - 27 -شىلدە كۇنى قوستاناي وبلىسىندا ەكاتەرينبۋرگ - الماتى باعىتىنداعى اۆتوبۋستىڭ اپاتقا ۇشىراپ، 6 ادام مەرت بولعانى تۋرالى بۇعان دەيىن حابارلانعان.
وسى كولىكتە بولعان چەليابى قالاسىنداعى وڭتۇستىك- ورال مەملەكەتتىك ۋنيۆەرسيتەتىنىڭ ستۋدەنتى اندرەي ەسىمدى جىگىت اعايىندى ەكى جىگىتتىڭ قالاي امان قالعانى تۋرالى ايتتى، دەپ جازادى lisakovsk.kz.
ستۋدەنتتىڭ ايتۋىنشا، رەسەي- قازاقستان شەكاراسىندا اعايىندى ەكى جىگىتتىڭ ءبىرىنىڭ جاسى 18 گە تولماعاندىقتان شەكاراشىلار ورتا جولدا ولاردى الىپ قالعان. سەبەبى، كىشىسى اعاسىمەن سەنىمحاتسىز كەتىپ بارا جاتقان. شەكاراشىلار ولاردى چەليابىگە قايتارىپ جىبەرىپتى.
«ولار شەكاراشىلارعا وتكىزىپ جىبەرۋدى ءوتىنىپ، جالىندى. قازاقستاندا تۋىستارى كۇتىپ وتىرعانىن ايتقانىمەن دە اسكەريلەر كەلىسپەدى. ولار ءبىزدىڭ ارتىمىزداعى ورىندىقتاردا وتىرعان ەدى. ەگەر ولاردى الىپ قالماعاندا ولەتىن ەدى»، - دەدى اندرەي.