تەمىرجولشىلار بالالارى دەمالىپ جاتقان ساۋىقتىرۋ لاگەرلەرىن تەكسەردى

استانا. قازاقپارات - «قازاقستان تەمىر جولى-جۇك تاسىمالى» ا ق باسشىلىعىنىڭ تاپسىرماسىمەن تەمىرجولشىلاردىڭ بالالارى دەمالىپ جاتقان ساۋىقتىرۋ لاگەرلەرى تەكسەرىستەن وتكىزىلدى، دەپ حابارلادى ق ت ج باسپا ءسوز قىزمەتى.

جول بولىمشەسى مەن لوكوموتيۆ پايدالانۋ دەپوسى وكىلدەرىنەن قۇرالعان ارنايى كوميسسيا تەكسەرىس بارىسىندا بالالاردىڭ قانداي جاعدايدا دەمالاتىندىقتارىنا جانە ولاردىڭ دەنساۋلىقتارى مەن قاۋىپسىزدىكتەرىنىڭ ساقتالۋىنا ەرەكشە نازار اۋداردى. ولار جامبىل، قوستاناي، اقمولا جانە الماتى وبلىستارىندا ورنالاسقان بالالار لاگەرىندە بولدى.

- تەمىرجولشى بالالارىنىڭ جازعى دەمالىسىنىڭ قاۋىپسىزدىگىن قامتاماسىز ەتىپ، ولاردىڭ دەنساۋلىعى مەن ءومىرىن قورعاۋ ءبىزدىڭ نەگىزگى مىندەتىمىزدىڭ ءبىرى. بۇل جۇمىستار ساۋىقتىرۋ ورتالىقتارىندا سانيتارلىق نورمالاردىڭ بۇزىلماۋىن، كەلەڭسىز وقيعالاردىڭ ورىن الماۋىن قامتاماسىز ەتۋ ماقساتىندا جۇرگىزىلىپ وتىر، - دەدى «ق ت ج- جۇك تاسىمالى» ا ق- نىڭ كورپوراتيۆتىك قامتاماسىز ەتۋ جانە دامىتۋ جونىندەگى ۆيتسە-پرەزيدەنتى ءادىلجان ىزمۇحامبەتوۆ.

كوميسسيا تەكسەرىسىنىڭ ناتيجەسى بويىنشا قاۋىپسىزدىك شارالارىن ۇنەمى ساقتاۋدى قامتاماسىز ەتىپ، مادەني- كوپشىلىك ءىس- شارالار جوسپارىن كەڭەيتۋ تۋراسىندا كەڭەستەر بەرىلدى.

جالپى بالالاردىڭ جازعى دەمالىسى ءوز دەڭگەيىندە ۇيىمداستىرىلعان. بيىلعى جىلى «ق ت ج- جۇك تاسىمالى» ا ق قىزمەتكەرلەرىنىڭ ەكى مىڭعا جۋىق بالالارى ساۋىقتىرۋ ورتالىقتارىندا جازعى دەمالىستارىن وتكىزەدى.

ەستەرىڭىزگە سالا كەتەيىك، «قازاقستان تەمىر جولى» ۇ ك» ا ق قىزمەتكەرلەرىنە الەۋمەتتىك قولداۋ كورسەتۋ شەڭبەرىندە تەمىرجولشىلاردىڭ 7 - 13 جاس ارالىعىنداعى بالالارى اقمولا، پاۆلودار، قوستاناي، الماتى، وڭتۇستىك قازاقستان، جامبىل، شىعىس قازاقستان، باتىس قازاقستان، اقتوبە، ماڭعىستاۋ وبلىستارىنداعى ساۋىقتىرۋ ورتالىقتارىندا جازعى دەمالىستارىن وتكىزەدى. اتا- انالار جەڭىلدىكتەردى پايدالانىپ، جالپى قۇننىڭ تەك 10 پايىزىن عانا تولەپ جولدامانى الادى.