مىسىردا قازاقستاننىڭ مادەنيەت كۇندەرى وتەدى
تاراپتار كاير قالاسىندا ۇستىمىزدەگى جىلدىڭ قازان ايىنا جوسپارلانعان ساۋدا- ەكونوميكالىق، مادەني- گۋمانيتارلىق جانە عىلىمي- تەحنيكالىق ىنتىماقتاستىق جونىندەگى ۇكىمەتارالىق كوميسسياسىنىڭ 5- وتىرىسى شەڭبەرىندە قازاقستاننىڭ مىسىرداعى مادەنيەت كۇندەرىن وتكىزۋگە كەلىستى.
سونىمەن قاتار، الەمدە بولىپ جاتقان احۋال تۋرالى پىكىر الماسىپ، مادەنيەتتەر الۋاندىعى داعدارىسىنا بايلانىستى سوڭعى جىلدارى ءدىني ەكسترەميزم مەن حالىقارالىق لاڭكەستىك قاۋىپ- قاتەرلەردىڭ وسكەنى اتاپ ءوتىلدى.
وسىعان بايلانىستى ەلشى سۇحباتتاسۋشىعا كوپ ۇلتتى قازاقستاننىڭ تاجىريبەسىن مىسالعا كەلتىرىپ، ەلىمىزدە ءارتۇرلى مادەني جانە ءدىني وكىلدەردىڭ تاتۋ- ءتاتتى بەيبىت ءومىر سۇرەتىندىگى جانە ونىڭ ساياسي تۇراقتىلىعىنا، دامۋىنا جۇمىلا ۇلەس قوساتىندىعى تۋرالى حابارلادى. اتاپ ايتقاندا، قازاقستان حالقى اسسامبلەياسىنىڭ جۇمىسى تۋرالى، سونداي-اق ق ر پرەزيدەنتى نۇرسۇلتان نازاربايەۆتىڭ بەيبىتشىلىك پەن قاۋىپسىزدىكتى، ءدىنارالىق جانە مادەنيەتارالىق ديالوگتى ىلگەرىلەتۋگە باعىتتالعان الەمدىك جانە ءداستۇرلى دىندەر ليدەرلەرىنىڭ سەزى، يۋنەسكو- نىڭ 2013-2022 -جىلدارى ارالىعىنا ارنالعان مادەنيەتتەردىڭ جاقىنداسۋ ونكۇندىگى سەكىلدى حالىقارالىق باستامالارى تۋرالى ايتىپ بەردى.
مىسىرلىق مينيستر قازاقستاننىڭ حالىقارالىق باستامالارىنا جانە ىشكى دامۋ تاجىريبەسىنە جوعارى باعا بەردى. ونىڭ پىكىرى بويىنشا، قازىرگى تاڭدا كوپتەگەن ەلدەر ءدىني جانە ەتنيكالىق قاقتىعىستاردان زارداپ شەگۋدە. سوندىقتان قازاقستاننىڭ كوپ ۇلتتى جانە كوپ كونفەسسيالى مودەل قۇرۋداعى قوعامنىڭ بەيبىت ءومىر ءسۇرۋ تاجىريبەسى باسقا ەلدەرگە ۇلگى بولا الادى دەگەن وي ءبىلدىردى.