يتاليادا سكايپ ارقىلى جاسالعان نەكە جارامدى دەپ تانىلدى
وسىلايشا، سوت ينستانسياسى 2012 -جىلى جاس جۇبايلار نەكەسىن تىركەۋدەن باس تارتقان سان-دجوۆانني ين پەرسيچەتو (بولونيا توڭىرەگىندەگى) قالاسىنىڭ بيلىگىن وداقتى تىركەۋگە مىندەتتەدى.
سوت نەكەگە تۇرۋشىنىڭ ءارقايسىسى ءوز وتانىندا بولسا دا، ەكەۋىنىڭ دە نەكەگە تۇرۋعا نيەت بىلدىرگەنىن ەسەپكە الدى. بۇعان دەيىن «قاشىقتىقتان ۇيلەنۋدى» العاشقى ينستانسيا مەن اپەللياتسيالىق سوت تا مويىنداعان ەدى.
بۇل يتاليا كاسساتسيالىق سوتىنىڭ باسىنان وتكەن العاشقى جاعداي ەمەس. ماسەلەن، ءبىرجىنىستى جۇپتىڭ بالا اسىراپ الۋى تۋرالى ەلدە ناقتى زاڭ شىعارىلماسا دا، كاسساتسيالىق سوت ولاردىڭ قۇقىعىن مويىندادى.
سيلۆيو بەرلۋسكونيدىڭ (2008-2011) سوڭعى ۇكىمەتى قابىلداعان كوشى-قوندى باقىلاۋدى كۇشەيتۋ شارالارىنان سوڭ، ەل اۋماعىنا كەلۋ قۇجاتى جوق وزگە ەلدىڭ ازاماتتارى يتالياندىقتارعا ۇيلەنىپ، تۇرمىسقا شىعا المايتىن بولاتىن. ال يتاليا ازاماتىمەن نەكەگە تۇرعان شەتەلدىك ەلدە ءومىر سۇرۋگە رۇقسات الا الادى. وسىلايشا بيلىك جالعان نەكەمەن كۇرەسكىسى كەلدى.