برەنت مۇنايىنىڭ باعاسى تاعى دا تومەندەدى

استانا. قازاقپارات - 2016 -جىلدىڭ ماۋسىم ايىمەن سالىستىرعاندا، Brent مۇنايى باررەلىنىڭ ارزانداۋى 20 پايىزدان دا اسىپ كەتكەن.

ساراپشىلار مۇناي باعاسىنىڭ 40 دوللارعا دەيىن ارزاندايتىنىن ەسكەرتەدى.

ICE بيرجاسىنداعى جۇما كۇنگى ساتىلىم بارىسىندا Brent مۇنايىنىڭ قۇنى 2016 -جىلدىڭ 18 -ساۋىرىنەن بەرى تۇڭعىش رەت 42 دوللاردان تومەن ءتۇستى. 2016 -جىلدىڭ قىركۇيەك ايىندا جەتكىزىلەتىن Brent مۇنايىنا فيۋچەرس قۇنى 41,85 دوللارعا ءتۇستى، ياعني بەيسەنبى كۇنگى ساتىلىم جابىلۋىمەن سالىستىرعاندا 1,99% تومەندەگەن، دەپ حابارلايدى ر ب ك.

Brent باررەلى 53 دوللارعا دەيىن شارىقتاعان ماۋسىم ايىنىڭ باسىنان بەرى مۇناي باعاسىنىڭ قۇلدىراۋى دان اسىپ كەتتى. ساراپشىلار مۇناي باعاسىنىڭ قۇلدىراۋىن ا ق ش بۇرعىلاۋ قوندىرعىسىنداعى جۇمىسشىلار سانىنىڭ، جەتكىزۋلەردىڭ كوبەيۋىنەن ينۆەستورلاردىڭ قاۋىپتەنۋىمەن جانە ءبىرقاتار ليۆيالىق پورتتاردان مۇناي ەكسپورتتاۋدىڭ جاڭعىرتىلۋىمەن بايلانىستىرىپ وتىر.