تۇركيانىڭ ەكس-پرەمەرى رەسەي ۇشاعىن اتىپ قۇلاتۋعا بۇيرىق بەرگەنىن مويىندادى

استانا. قازاقپارات - مامىر ايىندا وتستاۆكاعا كەتكەن تۇركيانىڭ ەكس-پرەمەرى احمەت داۆۋتوعلۋ اقپارات قۇرالدارىنا بەرگەن سۇحباتىندا 2015-جىلدىڭ 24- قاراشاسىندا رەسەيدىڭ سۋ-24 ۇشاعىن اتىپ قۇلاتۋعا بۇيرىق بەرگەنىن مويىندادى.

بۇل تۋرالى bnews.kz حابارلايدى.

ول تەك رەسەي ۇشاقتارىن عانا ەمەس، سونىمەن بىرگە، تۇركيا اۋە كەڭىستىگىنە كىرگەن كەز كەلگەن ۇشاقتى اتىپ قۇلاتۋعا بۇيرىق بەرگەنىن ايتادى.

الايدا، رەسەي قورعانىس مينيسترلىگى ۇشاقتارىنىڭ سيريا اسپانىندا ۇشقانىنا دالەلدەر كەلتىرىپ، تۇركيالىق تاراپتىڭ جالا جاۋىپ وتىرعانىن ايتادى.

ايتا كەتۋ كەرەك، 16- شىلدە كۇنگى تۇركياداعى توڭكەرىستەن كەيىن تۇتقىنعا الىنعاندار اراسىندا رەسەيدىڭ سۋ-24 ۇشاعىن اتىپ قۇلاتقان ۇشقىشتاردىڭ دا بار ەكەنى حابارلاندى.