جۋرناليستەر قازاقستاندا جاسالعان العاشقى ەلەكترقۋاتىمەن جۇرەتىن كولىكتى سىناقتان وتكىزدى - فوتو

استانا. قازاقپارات - بۇگىن ورتالىق كوممۋنيكاتسيالار قىزمەتىندە قازاقستانداعى اۆتوكولىك ونەركاسىبىن دامىتۋ جونىندە باسپا ءسوز ءماسليحاتى ءوتتى.

بريفينگ بارىسىندا «قازاۆتوونەركاسىپ» اۆتوكولىك سالاسىنداعى كاسىپورىندار وداعىنىڭ باسقارما ءتوراعاسى ولەگ الفەروۆ جۋرناليستەردى قازاقستاندا جاسالعان العاشقى ەلەكتروموبيلدى ءمىنىپ، تەست-درايۆتان وتكىزۋگە شاقىردى.

«بريفينگتەن كەيىن بارلىعىڭىزدى قازاقستاندا قۇراستىرىلعان العاشقى ەلەكتروموبيلدىڭ تەست- درايۆىنا شاقىرامىن»، - دەدى ول.

جالپى، و. الفەروۆ قازاقستاندا ەلەكتروموبيل قاشان ساتىلىمعا شىعاتىنىن جانە ونىڭ قۇنى نەشە تەڭگە بولاتىنىن ايتۋ ءالى ەرتە دەيدى. سەبەبى، قازاقستاندا ەلەكترقۋاتىمەن جۇرەتىن كولىك شىعارۋ سالاسى ءالى ءتيىستى دەڭگەيدە دامىعان جوق.

«قازاقستاندا بۇل سالانىڭ دامۋىنا ەكى كەدەرگى بار. ءبىرىنشىسى - ەلەكتروموبيلدى قۋاتتاۋعا قاجەتتى ينفراقۇرىلىمنىڭ جوقتىعى. الماتىدا، قازىر وسىندا كولىكتەردى قۋاتتايتىن ەكى ستانسيا عانا بار. ەكىنشى فاكتور - مەملەكەتتىڭ قولداۋى. قاراپايىم حالىققا ءالى قولجەتىمسىز وسى ونىمگە مەملەكەت ازىرگە قولداۋ تانىتقان جوق. بۇنداي قىمبات كولىكتى شىعارۋ ءۇشىن قىرۋار قاجەت كەرەك. دامىعان، دامۋشى نارىقتاردا قىتايدا، ەۋروپانىڭ سولتۇستىگىندە، ا ق ش- تا ەلەكتروموبيل ءوندىرىسى مەملەكەت تاراپىنان بەرىلەتىن سۋبسيديا ارقىلى دامۋدا. مىسالى، قىتايدا ەلەكتروموبيل ساتىپ العان ءاربىر ازامات 14 مىڭ دوللار كولەمىندە سۋبسيديا الادى»، - دەيدى و. الفەروۆ.

دەگەنمەن، وسكەمەندەگى اۆتوكولىك قۇراستىرۋ زاۋىتىنان شىققان العاشقى ەلەكتروموبيل وزگە ەلدەردىڭ وسىنداي كولىكتەرىنە ساپا جاعىنان دا، ءسان جاعىنان دا ەسە جىبەرمەيدى ەكەن.

قازاقستاندا قۇراستىرىلعان العاشقى КIA Soul EV ەلەكتروموبيلى ساعاتىنا 27 ك ۆ ت قۋاتتاعى باتارەيامەن جابدىقتالعان. ءبىر قۋاتتالعان كولىكتىڭ كۇشى 200 شاقىرىمعا جەتەدى ەكەن. ەڭ شەكتى جىلدامدىعى - ساعاتىنا 145 شاقىرىم. كولىكتىڭ باتارەياسىن سالقىنداتىپ نەمەسە ىسىتىپ تۇراتىن تەرمورەتتەگىشتىڭ ارقاسىندا ەلەكتروموبيلدى قىستا دا، جازدا دا مىنە بەرۋگە بولادى.

وسكەمەننىڭ زاۋىتى وندىرگەن بۇل «KIA Soul Evс» ەلەكتروموبيلى 30 گرادۋس اياز كەزىندە استانا مەن شىعىس قازاقستاننىڭ جولدارىندا تەستتەن وتكەن.

كولىكتى تولىق قۋاتتاۋ ءۇشىن 14-18 ساعات قاجەت بولادى. كولىك ساعاتىنا 2 ك ۆ ت ەنەرگيا جۇمسايدى ەكەن. CHAdeMO قۋاتتاۋ قۇرىلعىسىنىڭ كومەگىمەن ەلەكتروموبيلدىڭ قۋاتىن 15-30 مينۋت ىشىندە 80 پايىزعا جەتكىزۋگە بولادى. ەلەكتروموبيلدىڭ 100 شاقىرىمىنا ارنالعان قۋاتتى نەبارى 170 تەڭگەنى قۇرايدى.

    

اۆتور: كەنجەكەي توقتامۇرات قىزى