گاگارين ساياباعىندا پاۆلوداردىڭ «جۇرەگىن» سىندىرىپ كەتتى
07:44, 28 - شىلدە 2016
استانا. قازاقپارات - قالالىق گاگارين ساياباعىندا بەلگىسىز بىرەۋلەر «مەنىڭ جۇرەگىم پاۆلودار» اتتى ستەلانى سىندىرىپ كەتكەن.
بۇل تۋرالى ۆكونتاكتە الەۋمەتتىك جەلىسىنىڭ پايدالانۋشىلارى ءمالىم ەتتى، دەپ حابارلايدى pavlodarnews.kz.
پاۆلودار وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ باسشىسى ناتاليا نەفەدوۆانىڭ ايتۋىنشا، ستەلانى ءبىرجولاتا الىپ تاستاۋى مۇمكىن.
« قازىر ول جەرگە ءتارتىپ ساقشىلارىن شاقىردىق، بىزگە كەلتىرىلگەن شىعىننىڭ اكتىن جاساۋ كەرەك، ستەلانى كىمنىڭ سىندىرعانىن دا انىقتايمىز. جاقىن ماڭداعى بەينەباقىلاۋ كامەرالارىن تەكسەرەمىز. ەگەر ستەلا جوندەۋگە جارامدى بولسا، جوندەيمىز، جاراماسا ءبىرجولاتا ساياباقتان الىپ تاستايمىز»، - دەدى ناتاليا نەفەدوۆا.
ەستەرىڭىزگە سالا كەتسەك، «مەنىڭ جۇرەگىم پاۆلودار» اتتى ستەلانى رەسمي 5 -شىلدە كۇنى تانىستىرعان بولاتىن. ءبىر اي ۋاقىت وتپەستەن اتالمىش ءمۇسىن قيراپ قالدى.