ەنەنى جەڭۋدىڭ ەكى-اق ءادىسى
وكىنىشكە وراي، كوپتەگەن شاڭىراقتىڭ شايقالۋى دا سول - ەنە مەن كەلىننىڭ «ءبىر قازاندا قايناي الماۋى». كەلىن ءۇشىن ەنە - ەكىنشى انا ەمەس، «پروبلەماعا» اينالىپ جاتادى (وزدەرىنىڭ ويىنشا). شىن مانىندە سولاي ما؟
ەنە بولعان سوڭ، ارينە، كەيدە كوڭىلى تولمايدى، ۇرىسادى، اشۋلانادى. بار ماسەلە - ەنە ۇرسىپ جاتقاندا كەلىننىڭ «قالىسپاۋى»، سول- اق! مىنا حاديستەرگە ءمان بەرەيىكشى:
«كىمدە- كىم اللاعا جانە اقىرەت كۇنىنە يمان كەلتىرگەن بولسا، جاقسى ءسوز ايتسىن نەمەسە ۇندەمەسىن» (بۇحاري، مۋسليم).
«جاقسى سويلەپ، يگىلىككە جەتكەن نەمەسە ۇندەمەي قالىپ قۇتىلعان ادامعا اللانىڭ كەشىرىمى بولسىن!» (تيرميزي).
«تىڭداڭدار، مەن سەندەرگە قۇلشىلىقتىڭ ەڭ قاراپايىم ءارى جەڭىل ءتۇرىن ايتايىن - بۇل ۇندەمەۋ جانە كوركەم مىنەز-قۇلىق» (يبن ءاد- دۋنيا).
حالقىمىز دا «ۇندەمەگەن ۇيدەي بالەدەن قۇتىلادى» دەپ بەكەر ايتپاعان.
وسىلايشا، ۇندەمەي جانجالدان، ءتۇرلى جاماندىقتان قۇتىلاسىز.
سىزگە ۇرىسىپ، اشۋلانىپ تۇرعان ادامدى جەڭۋدىڭ ەكىنشى ءبىر ءتاسىلى - كۇلىمسىرەۋ. ءيا، ءيا، جاي عانا كۇلىمسىرەۋ!
وزگەلەرمەن جۇزدەسكەندە جىميىپ، جۇمساقتىق بايقاتۋ - ادامنىڭ جۇرەگىن جۇمسارتاتىن ءارى ساعان دەگەن كەك، اشۋدى جوياتىن ەڭ وڭاي جولداردىڭ ءبىرى. كۇلىمسىرەۋ - سۇننەت، ساداقا! ءسىزدىڭ كۇلىپ تۇرعانىڭىزدى كورگەن ەنەڭىز اۋىر ءسوز ايتۋعا دا، ۇرىسۋعا دا ۇيالىپ قالار. وسىلايشا ءوزىڭىزدى دە، ەنەڭىزدى دە تەرىس ارەكەتتەن قۇتقاراسىز.
P. S. كەيبىر كەلىندەر «ەنەم ءبارىبىر تۇسىنبەيدى، ۇندەمەسەم ودان سايىن ۇرىسادى، ودان دا ءوز- ءوزىمدى قورعاۋ ءۇشىن مەن دە قالىسپاۋىم كەرەك» دەپ ويلاۋى مۇمكىن. جارايدى، ەنەڭىزدى قويالىق. اللانىڭ رازىلىعى شە؟ بارلىق ءىس-ارەكەتتەرىمىزدى جاراتۋشىنىڭ كورىپ تۇرعانى شە؟
بۇل ءادىستى ءبىر-اق رەت قولدانىپ كورىپ، «بولمايدى ەكەن» دەپ تاستاي سالماڭىز. ۇنەمى سولاي جاساساڭىز، ءبىر كۇنى بۇل ارەكەتىڭىزدىڭ ناتيجەسىن كورەتىن بولاسىز! (سەبەبى بۇل تاجىريبەدەن وتكەن ءتاسىل).
asylsoz.kz