مانحەتتەندە ليۋكس ساناتىنداعى كيىز ءۇي پايدا بولدى

استانا. قازاقپارات - مانحەتتەندە ءبىر كۇن تۇنەپ شىعۋ قۇنى ەكى مىڭ دوللار تۇراتىن ليۋكس ساناتىنداعى كيىز ءۇي سالىندى.

بۇل دەگەنىمىز ەليتالىق قوناق ءۇيدىڭ نومەرىنەن الدەقايدا قىمباتىراق، - دەپ حابارلايدى pavlodarnews.kz.

مۇنىڭ باستى سەبەبى، بۇل قوناق ءۇي ورتا ازيا حالىقتارىنىڭ سالت ءداستۇرى بويىنشا سالىنعان. كيىز ءۇي تەراسسادا قالانىڭ ادامدار كوپ شوعىرلانعان جەرىندە ورنالاسقان. الايدا ديزاينەر كيمبەرلي ۆينتروپتىڭ ايتۋىنشا، بىرەگەي قۇرىلىمدا دىبىس وتكىزبەيتىن قۇرىلعىلار ورناتىلعان جانە سول سەبەپتى زۋلاعان كولىكتەردىڭ داۋسى قوناقتاردىڭ الاڭسىز ۇيىقتاۋىنا كەدەرگى كەلتىرمەيدى. كيىز ءۇيدىڭ ارتىندا الاڭقاي بار، وندا ءسىز كورپەلەردە جاتا الاسىز جانە وت جاعىپ، ورتاازيالىق كەمپينگ ۇيىمداستىرا الاسىز.

جوبا اۆتورلارىنىڭ ايتۋىنشا، مۇنداي قوناق ءۇيدى جاساۋدى ولار كاليفورنيادا وتكەن كواچەللا مۋزىكالىق فەستيۆالىنەن كورگەن. W Hotel قوناق ءۇيى قاراشا ايىنا دەيىن جۇمىس ىستەيدى. نيۋ-يورك تۇرعىنى قوناق ءۇيدىڭ سۋرەتتەرىمەن الەۋمەتتىك جەلىدە بەلسەندى تۇردە ءبولىسىپ جاتىر. باعاسىنىڭ قىمبات ەكەندىگىنە قاراماستان، بۇل قوناق ءۇي بوس تۇرادى دەۋ قيىن.