ساعىز شايناۋ - قاتەرلى ىسىك اۋرۋىن تۋعىزادى

استانا. قازاقپارات - كۇندەلىكتى تاماقتان كەيىن ساعىز شايناپ، استى قورىتۋ نەمەسە اۋىز قۋىسىن تازارتۋ داعدى بولعانى قاشان.

بالا كەزىمىزدە قاراماي مەن وسىمدىك مايلارىنان جاسالعان ساعىزدى ارمانسىز شاينادىق قوي. الايدا، قازىر ولاردىڭ ءتۇر-ءتۇرى كوپ. ءتاتتى، اشى، قىشقىل، ۇلكەن- كىشى ءتىپتى بىرەر جىل بۇرىن «ەرلەرگە»، «ايەلدەرگە» دەگەن دە تۇرلەرى قاپتاپ كەتتى. ءبىراق، قۇرامىندا حيميالىق زاتتار مەن انتيسەپتيكتەر كەزدەسەدى. «تاياقتىڭ ەكى ۇشى بار» دەگەندەي، ساعىزدىڭ دا ادام اعزاسىنا بەرەر پايداسى مەن زيانى جەتەرلىك.

جارناماعا سۇيەنەر بولساق، ساعىزدىڭ پايداسى مول: اۋىز قۋىسىنداعى جاعىمسىز يىستەن ارىلتادى، ءتىستىڭ اعارۋىنا جول اشادى، كاريەستىڭ تۇسپەۋىن قاداعالايدى، ءەمالدى قاتايتادى، ت. س. س. الايدا، مۇنىڭ بارلىعى شىندىققا جاناسا بەرمەيتىن سياقتى.

بىرىنشىدەن، ساعىز قۇرامىندا كوپتەپ كەزدەسەتىن قانت پەن گليۋكوزا اۋىز قۋىسىندا باكتەريالاردىڭ كوبەيۋىنە ىقپال ەتەدى.

 ەكىنشىدەن، ە-320, ە-322, ە-414, ە-422 ت. س. س كومپونەنتتەردىڭ سالدارىنان ستوماتولوگيالىق اۋرۋلار پايدا بولادى.

ۇشىنشىدەن، ساعىز ونكولوگيالىق جانە اسقازان اۋرۋلارىنىڭ پايدا بولىپ، ارى قاراي سوزىلۋىنا جول اشادى.

تورتىنشىدەن، ساعىزدان ءتىستىڭ سىرتىق قابىقشاسى السىرەپ، كاريەس پايدا بولادى.

بەسىنشىدەن، ساعىز قۇرامىنداعى حيميالىق زاتتار سوزىلمالى تەرى اۋرۋلارىنىڭ تۋۋىنا سەبەپكەر. ادام بالاسىنىڭ اعزاسى كەيبىر كومپونەنتتەردى كوتەرە الماي، سالدارىنان تەرىدە بەزەۋ، سەكپىل، بورتپە قاپتاۋى مۇمكىن.

ساعىزدىڭ زياندىعى مۇنىمەن شەكتەلمەيدى. ديەتولوگ- ماماندار ءار كەز جاڭا زياندى تۇسىن اشىپ جاتادى. الايدا، پايدالى جاعىنان جۇرداي دەي المايمىز:

ساعىز پاتوگەندى ميكروفلورانىڭ كوزىن جويىپ، سىلەكەيدىڭ ءبولىنىپ شىعۋىنا ىقپال ەتەدى.

سىلەكەي ءوز كەزەگىندە استىڭ دۇرىس قورىتىلۋىنا جول بەرەدى.

ساعىز باس پەن مويىن بولىگىندەگى قان اينالىمدى جاقسارتادى.

 

anabol.kz