ءمولدىر اۋەلبەكوۆا اۋىلدا پالاۋ ءپىسىرىپ ءجۇر

استانا. قازاقپارات - ءانشى ءمولدىر اۋەلبەكوۆا اۋىلدا، قازان- وشاق باسىندا اس ازىرلەپ جاتقان سۋرەتىن ءوزىنىڭ ينستاگرامداعى پاراقشاسىندا جاريالادى.

ءانشىنىڭ ءوزى سۋرەتىنە ەشقانداي پىكىر جازباعان. ەسەسىنە وقىرماندارىنىڭ پىكىرى ەكىگە بولىنگەن. ءبىرى ءانشىنىڭ ادەمى ەكەنىن، كيگەن كيىمىنىڭ وزىنە جاراسىمدى ەكەنىن، سۋرەتكە ءساتتى تۇسكەنىن ايتسا، ەندى ءبىرى كەلىننىڭ اس دايىنداعاندا حالات كيىپ، باسىنا ورامال سالعانى دۇرىس بولاتىنىن، جالاڭباس، شالبار كيىپ اس ازىرلەۋدىڭ ادەپكە جات ەكەنىن ايتىپ سىنعا الۋدا. جەلى قولدانۋشىلارىنىڭ قالعان ءبىر توبى ءانشىنىڭ جۇكتى ەكەنىن، كەزكەلگەن عايبات ءسوز كوڭىلىنە كەلەتىنىن ايتىپ، پىكىر قالدىرۋشىلاردان اۋىر ءسوز ايتپاۋدى وتىنگەن.