دەنساۋلىققا وتە پايدالى سۋسىن

استانا. قازاقپارات - ادامنىڭ قانتامىرلارى ۋاقىت وتە كەلە السىرەپ، قاناينالىمى ناشارلايدى.

ونىڭ سەبەپتەرى دە ءارتۇرلى: دۇرىس تاماقتانباۋ، قوزعالىستىڭ ازدىعى، ءجيى اشۋلانۋ، ۋايىم، ت. ب. ال قاناينالىم جاقسى بولماسا، ءتۇرلى اۋرۋلارعا تاپ بولۋى مۇمكىن.

قانتامىرلاردى تازارتىپ، قاناينالىمدى جاقسارتاتىن، يممۋنيتەتتى كوتەرىپ، باۋىر، بۇيرەككە اسا پايدالى بۇرىننان قولدانىلىپ كەلە جاتقان تابيعي سۋسىن بار. ونى دايىنداۋ ءۇشىن: 6 ليمون، 30 ءتىس سارىمساق پەن 1 ليتر سۋ قاجەت. بۇلاردى ەت تارتقىشتان وتكىزىپ، قاتتى وتتا قايناعانشا قاتتى ىسىتۋ كەرەك (ءبىراق قايناتپاڭىز). سۋىعان سوڭ بەتىن جاۋىپ، توڭازىتقىشقا سالىپ، كۇنىنە 50 ميلليتردەن ءىشىپ تۇرۋ قاجەت. 3 اپتا ءىشىپ، 3 اپتا ءۇزىلىس جاساپ جىلىنا ەكى رەت ءىشىپ تۇرعان دۇرىس.

بۇل كومپونەنتتەردىڭ قايسىسىنا بولسىن اللەرگياسى بار ادامدار، اسقازان ويىق جاراسى بارلار، جۇكتى جانە ەمىزۋلى ايەلدەرگە قولدانۋعا بولمايدى.

asylsoz.kz