مۇحتار تايجان: مەملەكەتىمىزدى قۇتقاراتىن ءبىر عانا جول بار، ول - قازاقىلىق
جالپى ۇلتتىق داۋ پايدا بولعاندىقتان جەر داۋىن شەشەتىن قۇرىلتاي قۇرىلدى. بۇكىل ەلدى ارالاپ، حالىقتىڭ پىكىرىن ءبىلىپ شەشىم قابىلداپ جاتىرمىز. ەل ارالايتىندار - ەلگە تانىمال تۇلعالار.
مەملەكەتىمىزدە قازاقىلىق جەڭسە، دەموكراتيا جەڭەدى، سەبەبى قازاقتار عاسىرلار بويى دەموكراتيامەن ءومىر ءسۇردى. حاندارىمىزدى سايلادىق، بيلەرىمىز تاۋەلسىز سوت جۇمىسىن اتقاردى. اقىندار حالىقتىڭ ءسوزىن سويلەپ، بيلىككە سىن ايتتى. «باس كەسپەك بولسا دا ءتىل كەسپەك جوق» دەگەن زاڭ بولعان. مەملەكەتتىڭ ەڭ ماڭىزدى ماسەلەلەردى جالپى ۇلتتىق قۇرىلتايىندا تالقىعا سالاتىن بولدى بابالارىمىز.
ياعني، مەملەكەتەمىزدە قازاقىلىق جەڭسە، قازاقستاندا دەموكراتيا مەن ءسوز ەركىندىگى دەگەن ۇعىمدار كۇشەيەتىن بولادى، ال جەمقورلىق جوعالادى. ەلىمىزدە قازاقىلىق جەڭسە، اقساقالدار ادەمى قارتايادى، قىزدار مەن جىگىتتەر ابىرويلارىن ساقتاپ جۇرەدى، قاراساقالدار ەل تىرەگى بولىپ ەڭبەك اتقارادى. بيلىك حالىقتىڭ قالاۋىمەن مەملەكەتتى رەتتەيدى.
ال، قازىر ءبىز رەسەي يمپەرياسىنىڭ زاڭدارى بويىنشا ءومىر ءسۇرىپ جاتىرمىز. ادال سايلاۋ مەن دەموكراتيا جوق، اقىنداردىڭ ءتىپتى ايتىستا اۋىزدارىن جاۋپ جاتىر. ءسوزدىڭ ەركىندىگى جويىلىپ كەتتى، جەمقورلىق گۇلدەنىپ تۇر. ول تۇگەل قازاققا جات قوعامدىق داستۇرلەر، ول رەسەي يمپەرياسىنىڭ داستۇرلەرى - حالىقتى قۇل (كرەپوستنىە) رەتىندە ساناۋ، حالىقتىڭ پىكىرىن مەنسىنبەۋ.
نەگە حالىق كوميسسيامىزدى سونشاما مۇقيات كۇتىپ قاراپ وتىر؟ سەبەبى بۇل بيلىك پەن حالىقتىڭ اراسىندا ءبىر عانا كەزدەسە الاتىن ورىن بولدى.
ماسليحاتتا وتىرعان دەپۋتاتتاردى كىم بىلەدى، كىم تانيدى؟ ولار حالىقپەن ءجيى كەزدەسىپ ءجۇر مە؟ اكىمدەر «پوستانوۆوچنىي» ەمەس حالىقپەن كەزدەسۋدى ءجيى وتكىزە مە؟ جوق! وتكىزىپ جاتسا، «بيۋدجەتنيكتەردى» جيناپ وتكىزەدى، تىپ تىنىش وتىراتىن. نەگىزى بيلىك حالىقتان الىستادى، ول قازاقىلىق ەمەس، ول رەسەيشىل مەنىڭشە.
ياعني، ەلىمىزدە دەموكراتيا، ءسوزدىڭ ەركىندىگى كۇشەيتۋ ءۇشىن ءبىز ەلىمىزدە، اسەرەسە بيلىگىمىزدە قازاقىلىقتى كۇشەيتۋىمىز ءجون. سوندا عانا بىزدە جەمقور مەن پاراقور ازايىپ، ەل دامي باستايدى.
مۇحتار تايجاننىڭ فەيسبۋكتاعى پاراقشاسىنان