يسابەكوۆا جۇرتتىڭ كوزىنشە سۇيىكتىسىنەن كەشىرىم سۇراپ، وزىنە جاۋاپ قاتۋىن ءوتىندى
بۇل تۋرالى Stan.kz حابارلايدى.
ماقپال يسابەكوۆا جەكە ءومىرىن جاريالاۋدى ءجون كورمەيتىن جۇلدىزداردىڭ قاتارىنان. ول ءتىپتى اتالعان تاقىرىپقا قاتىستى جۋرناليستەردىڭ سۇراعىنا زەكىپ جاۋاپ بەرەتىن-دى. الايدا ول جۋىردا الەۋمەتتىك جەلى ارقىلى سۇيىكتىسىنە حات جولداپ، جۇرتتىڭ سىنىنا قالعان ەدى.
حاتتىڭ مازمۇنىنا قاراپ ءانشىنىڭ سۇيىكتىسىمەن ۇرىسىپ قالعانىن بايقاۋعا بولادى. وعان ىشتەگى سەزىمى تۋرالى بەتپە-بەت ايتا الماعاندىقتان، جەلى ارقىلى حات جولداۋدى ءجون كورگەن ەكەن.
«اشۋلانعانىمدا ماعان رەنجىمەۋىڭدى ءوتىنىپ سۇرايمىن. مۇنداي ساتتەردە سابىر مەن ۇستامدىلىق اتاۋلىسىن ۇمىتىپ كەتەمىن. ءۇنسىز قالعانىمدا ءتۇرلى ويدى وزىمە سەرىك ەتەتىنىمدى ءبىل. وسىلايشا جانىم جاي تابادى. سەنى سىناپ، تىم جوعارى تالاپتار قويعان كەزدە جۇرەگىڭە جاقىن قابىلداما.
شىندىعىندا، مۇنىڭ بارلىعىن مەن وزىمە ايتامىن. مۇنىڭ بارلىعى دا مەنىڭ ساعان دەگەن قارىم- قاتىناسىمدى وزگەرتپەيدى. ءارتۇرلى ەموتسياعا تولى كوڭىل-كۇيىم ساعان ءسوزسىز سەنىم ارتىپ، سىرىمدى جايىپ سالا الاتىنىمدى بىلدىرەدى. سەن دە ماعان سەن، مەن سەنى جاقسى كورەمىن!
بارىنەن دە ادامنىڭ ۇنسىزدىگىنەن قورقامىن. ۇنسىزدىك پەن بەيجايلىق ادامنىڭ وزىڭنەن كوڭىلى قالعانىن بىلدىرەدى»، - دەيدى ماقپال يسابەكوۆا.
بۇل جازبا ءانشىنىڭ ءوزىن عانا ەمەس، جەلى قولدانۋشىلارىن دا ويلاندىردى. ولار يسابەكوۆانىڭ جاعدايىنا تۇسىنىستىكپەن قاراپ، سۇيىكتىسىمەن قايتا قاۋىشۋدى تىلەدى.