ساراپشى كلينتون نەمەسە ترامپ كەزىندەگى ا ق ش- تىڭ ورتالىق ازياعا قاتىستى ساياساتى قانداي بولاتىنىن ايتىپ بەردى
ونىڭ سوزىنە قاراعاندا، اق ۇيگە الداعى ءتورت جىلدا كەلۋى ءتيىس بۇل تۇلعالار، ا ق ش ءال-اۋقاتىن قامتاماسىز ەتۋدىڭ ءتۇرلى ۇستانىمدارىنا يە.
«حيللاري كلينتون امەريكالىق ۇستەمدىك ساياساتى مەن قازىرگى الەمدىك قارجىلىق جۇيەنىڭ ساقتالۋىن جالعاستىرۋدى ماقسات تۇتادى. وندا بۇل جاعدايدا ا ق ش ورتالىق ازياداعى احۋالدى تۇراقسىزداندىرۋعا قاتىستى ستراتەگيانى قولدانىپ، رەسەي مەن قىتايدىڭ ۇلكەن ەۋرازيا قۇرۋ جوباسىنا كەدەرگى كەلتىرۋگە تىرىساتىن بولادى. دونالد ترامپ نەگىزىنەن امەريكاعا قاتىستى ساۋالداردى شەشىپ الۋ كەرەك دەپ سانايتىنداردىڭ قاتارىنان. قولدا بار رەسۋرستار مەن مۇمكىندىكتەردى پايدالانا وتىرىپ، ا ق ش- تىڭ الدىنداعى ماسەلەلەردى شەشۋدى قالايدى. ول امەريكانىڭ الەمدەگى مىندەتتەمەلەرىن قىسقارتۋعا نيەتتى»، - دەپ اتاپ ءوتتى ۆلاديمير تەلنوۆ.
ەسكە سالا كەتسەك، جاقىندا ا ق ش- تىڭ رەسپۋبليكالىق پارتياسى ءوزىنىڭ پلاتفورماسىن ۇسىندى. وندا ورتالىق ازيا جەكە بلوكپەن اتالىپ وتىلەدى.
«ءبىز ا ق ش- تىڭ نازارىن ەۋرازياداعى بۇرىنعى ك س ر و ەلدەرىمەن ديپلوماتيالىق، ساۋدا جانە ستراتەگيالىق جوسپارلاۋ ىقپالداستىعىنا اۋدارۋعا ۇندەيمىز. ەكى اۆتوريتارلىق مەملەكەتتىڭ ورتاسىندا ورنالاسقان ولاردىڭ دەموكراتيالىق ينستيتۋتتارعا باعىتتالعان جولدارى ناقتى بولمادى. ءبىز ۇكىمەتتى جانە ءبىزدىڭ وداقتاستارىمىزدىڭ ۇكىمەتتەرىن ورتالىق ازيا رەسپۋبليكالارىن جاھاندىق ەكونوميكاعا ىقپالداسۋىن شەتەل ينۆەستيتسيالار ارقىلى جۇرگىزۋدى ۇندەيمىز. بۇل ءوز كەزەگىندە نارىقتىق جانە ساياسي پلاتفورمالاردى الىپ كەلەدى جانە زاڭ ۇستەمدىگىن ورناتۋدىڭ تۇراقتى جولىنا تۇسۋلەرىنە ىقپال ەتەدى. بۇل شارالار وسىنشاما ۇلكەن ايماقتا ورنالاسقان حالىقتاردىڭ ءومىر ساپاسىن ارتتىرىپ قانا قويماي، وندا قازىرگى ۋاقىتتا قاۋىپ ءتوندىرىپ وتىرعان راديكالدى يدەولوگيالاردىڭ تارتىمدىلىعىن ازايتادى»، - دەلىنگەن دونالد ترامپ مۇشەلىك ەتەتىن رەسپۋبليكالىق پارتيانىڭ 2016-جىلعى پلاتفورماسىندا.
اۆتور: جاسۇلان جولدىبايەۆ