تۇركيا اسكەري توڭكەرىس كەزىندە قولداۋ كورسەتكەنى ءۇشىن قازاقستانعا العىس ءبىلدىردى
«قاندى جانە ساتقىندىق توڭكەرىس ارەكەتىنە قارسى بولىپ، العاشقى ساتتەن-اق ەلىمىزگە قولداۋ جانە نيەتتەستىك تىلەكتەرىن جولداعان دوس ەلدەر مەن مەملەكەتتىك قايراتكەرلەر اراسىندا قازاقستاننىڭ جانە قۇرمەتتى پرەزيدەنت نۇرسۇلتان نازاربايەۆتىڭ بولعانىن العىس پەن ريزاشىلىقپەن قابىلداعانىمىزدى اتاپ وتكىمىز كەلەدى.
تۇركيادا جاريالانعان توتەنشە جاعداي، ەلىمىزدىڭ باسقا مەملەكەتتەرمەن، سونداي-اق دوس جانە باۋىرلاس قازاقستانمەن، ەڭ اۋەلى ساياحات، تۋريزم، ساۋدا، جانە ينۆەستيتسيالار سياقتى كوپتەگەن سالالارداعى قارىم-قاتىناستارىمىزعا ەشقانداي تەرىس اسەر تيگىزبەيدى. ەلىمىزگە قاتىستى ەشقانداي ساپار شەكتەۋلەرى نەمەسە قاۋىپ-قاتەرلەر جوق. تۇراقتى جانە چارتەرلىك رەيستەر جۇيەلى تۇردە ورىندالۋدا. تۇركيا شەتەلدىك تۋريستەر ءۇشىن ەڭ بەيبىت جانە قاۋىپسىز دەمالىس ايلاقتارىنان ءبىرى بولىپ تابىلادى.
تۇركيادا جاعداي تولىق باقىلاۋعا الىندى. ۇكىمەتىمىز، ەلىمىزدىڭ قاۋىپسىزدىگى مەن ازاماتتارىمىزدىڭ تىنىشتىعى ءۇشىن قاجەتتى بارلىق شارالاردى قابىلداۋدا. توڭكەرىس ارەكەتىن جاساعاندار زاڭعا سايكەس لايىقتى جازاسىن الۋ ءۇشىن جاۋاپكەرشىلىككە تارتىلاتىن بولادى»، - دەپ جازىلعان تۇركيا ەلشىلىگىنىڭ تاراتقان حابارلاماسىندا.