اتىراۋ وبلىسىندا بەلگىسىز ىندەتتەن سيىرلار قىرىلۋدا

اتىراۋ. قازاقپارات - اتىراۋ وبلىسىنىڭ قۇرمانعازى جانە يساتاي اۋداندارىندا سيىرلار قىرىلۋدا، الايدا ۆەتەرينارلىق قىزمەتتەر ازىرگە قانداي اۋرۋدان ەكەنىن انىقتاي الماي وتىر.

«قۇرمانعازى اۋدانىندا 1461 سيىر اۋرۋعا ۇشىرادى، ونىڭ 41  ى ءولدى. يساتاي اۋدانىندا 174 سيىردان اۋرۋ بەلگىلەرى انىقتالدى. اۋىرعان مالداردىڭ بارلىعىنىڭ بەلگىلەرى بىردەي - تەمپەراتۋرا كوتەرىلەدى، تەرىسىندە جارا پايدا بولادى، اۋزىنان سىلەكەيى شۇبىرادى. مالدار قورەكتەنبەي السىرەپ، ءبىرقاتارى ءولىپ قالادى. وبلىسقا استانادان شاقىرىلعان ماماندار ازىرگە قانداي ىندەت ەكەنىن انىقتاي الماي وتىر. اۋرۋ مالداردان سىناما الىندى، بۇگىنگى كۇنگە دەيىن كوميسسيا قورىتىندىسى كەلىپ تۇسكەن جوق»، - دەدى اتىراۋ وبلىسى ۆەتەريناريا باسقارماسى باستىعىنىڭ ورىنباسارى ازامات ايتقاليەۆ.

ونىڭ ايتۋىنشا، اۋرۋ بەلگىلەرىنە جانە اۋتوگەموتەراپياعا بيۋدجەتتەن 2 ميلليون 330 مىڭ تەڭگە ءبولىندى. اۋىرعان مالداردىڭ ءبىرقاتارى جازىلدى.