جول قوزعالىسى ەرەجەسىن ورەسكەل بۇزعان لەكسۋس جۇرگىزۋشىسى جازاسىن اپساتتە الدى - كەسكىن
وقيعا 20 -شىلدەدە بولعان. جول تالعامايتىن كولىكتىڭ جۇرگىزۋشىسىنىڭ ارەكەتى ءال-فارابي داڭعىلىنىڭ بويىندا تۇسىرىلگەن. كۋاگەر داڭعىل بويىمەن رۇقسات ەتىلگەن جىلدامدىقپەن ءجۇرىپ كەلە جاتقان، ول سونىسىمەن شاماسى ءبىر جەرگە اسىعىپ بارا جاتقان Lexus LX 570 كولىگىنە «كەدەرگى» بولعان. جول تالعامايتىن كولىك شامىمەن بىرنەشە رەت «جول بەر» دەپ نۇسقاعان، الايدا كۋاگەر وعان جول بەرمەگەن، سەبەبى وڭ جاعىندا وتۋگە بولمايتىن سىزىق بولعان جانە دە ۆيدەو اۆتورىنا باسقا ءبىر كولىك كەدەرگى جاساعان.
Lexus كۇتكىسى كەلمەي، ۆيدەو اۆتورىنان وڭ جاق بەتىمەن وزا شىعىپ، كەنەتتەن تەجەگىشتى باسىپ قالعان. ول مۇنىسىمەن اپاتتى جاعداي تۋعىزعان. جاقىن جەردە كەتىپ بارا جاتقان جول- پاترۋلدىك پوليتسيا قىزمەتكەرلەرى زاڭ بۇزۋشىلىقتى كورىپ، دەرەۋ ارەكەت جاساپ، Lexus جۇرگىزۋشىسىنە جول جيەگىنە توقتاۋدى بۇيىرعان. ايتا كەتەيىك، مۇنداي قىلىعى ءۇشىن جۇرگىزۋشىگە ق ر ءا ق ب كودەكسىنىڭ 606-بابى بويىنشا 10 ا ە ك ايىپپۇل سالىنادى.
«ارتىمنان اسىققان «لەكسۋس» 570 تۋرا ساعاتىنا 60 شاقىرىمنان اسپاۋ كەرەك جەردەن قويماي دابىل قاعىپ، شامىن جاعادى. ول ەرەجە بۇزىپ جاتقانىن ەلەگەن دە جوق، سوندىقتان توقتاعان جوقپىن. جولدارىڭىز بولسىن!» - دەيدى ۆيدەو اۆتورى Sergey Kim.