بەلگىسىز ادام الماتىداعى تەراكتىدە قازا تاپقان پوليتسەيلەردىڭ وتباسىنا ميلليون تەڭگە اۋدارماق
سونداي-اق، ۇيىمنىڭ اتقارۋشى ديرەكتورى داۋرەن تۇرعىمبايەۆ Tengrinews.kz تىلشىسىنە قايىرىمدىلىق اكتسياسىنىڭ ارقاسىندا 3,5 ميلليون تەڭگەنىڭ جينالعانىن ايتتى.
«قازىرگى ۋاقىتتا 3693856 تەڭگە جينالدى. 185 اقشا اۋدارىمى بولدى. ولاردىڭ ىشىندە جەكە تۇلعالار دا، زاڭدى تۇلعالار دا بار»، - دەدى داۋرەن تۇرعىمبايەۆ. ونىڭ ايتۋىنشا، قازاقستاننىڭ بارلىق وڭىرىنەن قاراجات اۋدارىلىپ جاتىر. «اقشا اۋدارىمدارى الماتىدان، الماتى وبلىسىنان، قاراعاندىدان جانە استانا قالاسىنان جاسالىپ جاتىر. بۇگىندە ەڭ كوپ سومانى، ياعني ميلليون تەڭگەنى جەكە تۇلعا اۋدارعان. كوپ جاعدايلاردا ادامدار ولاردىڭ ەسىمدەرىن اتاماۋدى سۇرايدى»، - دەدى تۇرعىمبايەۆ. سونىمەن قاتار، ول قازا تاپقان پوليتسەيلەردىڭ وتباسىنا كومەكتەسۋ ءۇشىن اقشانى 29 -شىلدەگە دەيىن اۋدارا الاتىنىن ايتتى.
سونداي-اق، Taiburyl قوعامدىق ۇيىمى 19 -شىلدەدە قازا تاپقان پوليتسەيلەردىڭ وتباسىنا اقشا جيناۋدىڭ باستالعانى تۋرالى ايتقان بولاتىن. ايتا كەتەيىك، اقشانى مىنا جولدارمەن اۋدارۋعا بولادى:
1) جەكە تۇلعالار «كاز كوممەرس بانك» ا ق- نا كەز كەلگەن بانكتىڭ كارتاسىنان "ەراۋ" مودۋلى ارقىلى جىبەرە الادى. بۇل ءۇشىن ءسىز www.taiburyl.kz سايتىنا كىرىپ، «جوبانى قولداۋ» بولىمىنە كىرىپ، «قازا تاپقان پوليتسەيلەردىڭ وتباسىنا كومەك» دەگەن جەردى بەلگىلەيسىز؛
2) www.kaspi.kz ونلاين سەرۆيسىن قولدانۋشىلار دا قاراجاتتى اۋدارا الادى. بۇل ءۇشىن kaspi.kz سايتىنا كىرىپ، «تولەمدەر»، كەيىننەن «باسقالار» بولىمىنە كىرىپ، «قايىرىمدىلىق» باتىرماسىنا باسىپ، «Taiburyl» قوعامدىق ۇيىمىن تاڭدايسىز.
3) ال زاڭدى تۇلعالار اقشانى مىنا رەكۆيزيتتەر ارقىلى اۋدارا الادى:
"KASPI BANK" اق
ب ي ن "Taiburyl": 130840014532
شوت: KZ49722S000000866140 (KZT)
ب ي ك: CASPKZKA
"كاز كوممەرس بانك" ا ق
ب ي ن "Taiburyl": 130840014532
شوت: KZ509261501169513000 (KZT)
ب ي ك: KZKOKZKX
تولەمنىڭ كودى: 119 "قايىرىمدىلىق كومەك".
وسى رەكۆيزيتتەر ارقىلى جەكە تۇلعالار دا بانك بولىمشەلەرىندە اقشا اۋدارا الادى.
ايتا كەتەيىك، جينالعان قاراجاتتىڭ ناقتى سانى اقپارات قۇرالدارىندا، سونىمەن قاتار ۇيىمنىڭ رەسمي پاراقشالارىندا 2016 -جىلدىڭ 10 -تامىزىنا دەيىن جاريالانادى. بايلانىس تەلەفونى:
77079978800+, اتقارۋشى ديرەكتور داۋرەن تۇرعىمبايەۆ.
ەسكە سالايىق، 18 -شىلدەدە الماتىدا تەرروريستىك اكت بولعان ەدى. بەلگىسىز ەر ادام المالى اۋداندىق ءىىب مەن ۇقك دەپارتامەنتىنە قارۋلى شابۋىل جاسادى. وقيعا سالدارىنان بەس ادام، ونىڭ ىشىندە ءۇش پوليتسيا قىزمەتكەرى قازا تاپتى. قالادا تەررورلىق قاتەردىڭ قىزىل دەڭگەيى جاريالاندى. قىلمىسكەر ۇستالدى، ول بۇرىن ءىستى بولعان قىزىلوردا وبلىسىنىڭ تۋماسى رۋسلان كۇلەكبايەۆ بولىپ شىقتى.
وسىعان دەيىن ءىىد تەرگەۋ جۇمىستارى بارىسىندا 18 -شىلدەدە پوليتسەيلەردى ءولتىردى دەگەن كۇدىككە ىلىنگەن رۋسلان كۇلەكبايەۆتىڭ جالدامالى پاتەردى انىقتاعان بولاتىن. پوليتسياداعىلار پاتەردە ادام ومىرىنە قاۋىپتى زاتتاردىڭ بار-جوعىن تەكسەرىپ شىقتى. الايدا، پوليتسيا قىزمەتكەرلەرى پاتەردى ءتىنتۋ كەزىندە ءقاۋىپتى زاتتاردى تاپپادى. ال كەشە رۋسلان كۇلەكبايەۆ ەكى ايعا قاماۋعا الىندى.
سونداي- اق، 20 -شىلدەدە الماتىدا تەراكتىدەن قازا تاپقان پوليتسەيلەرمەن قوشتاسۋ ءراسىمى ءوتتى. قالا اكىمى باۋىرجان بايبەك تە قوشتاسۋ راسىمىنە قاتىستى. ول بارلىق الماتىلىققا العىس ايتقان ەدى.
ايتا كەتەيىك، تەراكتىدەن قازا تاپقانداردىڭ وتباسىنا 15 ميلليون تەڭگەدەن، ال زارداپ شەككەندەردىڭ وتباسىنا بەس ميلليون تەڭگەدەن بەرىلەتىن بولدى. ال بۇگىن 22 -شىلدەدە باۋىرجان بايبەك الماتىداعى تەراكتىدەن قازا تاپقان ايان عالييەۆتىڭ وتباسىنا پاتەر كىلتىن تابىس ەتتى. ايتا كەتەيىك، پاتەر الاتاۋ اۋدانى "سايالى" ىقشاماۋدانىندا ورنالاسقان. سونداي- اق، وتباسىنا جوندەۋ جۇمىستارى مەن جاڭا پاتەردە ورنالاسۋعا كومەكتەسەنى ايتىلادى.