بورتى ورتەنگەن سولتۇستىك كورەيالىق ۇشاق اپاتتى جاعدايدا قىتايعا قوندى
14:24, 22 - شىلدە 2016
استانا. قازاقپارات - Air Koryo ك ح د ر مەملەكەتتىك اۋە كومپانياسىنىڭ پحەنياننان بەيجىڭگە بەت العان ۇشاعى اپاتتى جاعدايدا شەنيانعا (سولتۇستىك-شىعىس قىتاي، لياونين پروۆينتسياسىنىڭ اكىمشىلىك ورتالىعى) قوندى، دەپ حابارلايدى ت ا س س.
«شينحۋا» اگەنتتىگىنە رەيس جولاۋشىلارىنىڭ ايتۋىنشا، بورتتا ءورت بولعاندىقتان، ۇشاق قونۋعا ءماجبۇر بولعان.
ۇشاق JS151 «پحەنيان-بەيجىڭ» اۋە رەيسىن ورىنداعان. قىتايلىق «چجۋنيانشە» اگەنتتىگىنىڭ انىقتاۋىنشا، «سيانتاو» اۋەجايىنىڭ اكىمشىلىگى لاينەردى قابىلداۋ ءۇشىن بارلىق قاجەتتى شارانى جاساعان جانە ۇشاق ەش قيىندىقسىز جەرگە قونعان. ءبىراق، اۋە كەمەسىن تەكسەرگەندە ەرەكشە ەشتەڭە بايقالماعان.