ادامنىڭ جاڭا ءناسىلى پايدا بولدى ما؟ - كەسكىن
نونگ يۋسۋي ەسىمدى بالانىڭ ازيالىق ءناسىلدى بولعانىنا قاراماستان كوزىنىڭ كوكشىلدىگى، ءتىپتى، ەڭ كوزى كوك دەپ سانالاتىن سكانديناۆتىقتاردىڭ وزىندە كەزدەسپەيتىنىن ايتا كەتۋ كەرەك. ونىڭ جانارى مىسىقتىكىندەي جالتىلداپ تۇرادى. بۇل ونىڭ جالعىز ەرەكشىلىگى ەمەس ەكەنىن دە ايتا كەتكەن ءلازىم. ول تاس قاراڭعىدان جاقسى كورە الادى. بۇل قۇپيانى الدىمەن اتا-اناسى، سوسىن مۇعالىمى ءبولىستى. عالامتور ارقىلى. بەيجىڭدىك ءتىلشى سەنبەستىك تانىتىپ، دارىگەرلەردىڭ كومەگىنە جۇگىنگەن.
مامانداردى قايران قالدىرعانى: ونى تاس قاراڭعى بولمەدە قالدىرىپ، تاجىريبە جاساعان. ول قاراڭعى جەردە دە ءارىپتى اجىراتىپ، وقي الاتىن بولىپ شىقتى. كوز جەتكىزگەندەي، ونىڭ جانارى قاراڭعىدا كورۋگە مۇمكىندىك بەرەتىن ەرەكشە جاسۋشا قاباتىنا يە بولىپ شىققان. مۇنداي جاسۋشالار مىسىقتا، يتتە، جاناتتا، ورمەكشىدە، ت. ب. تىرشىلىك يەلەرىندە كەزدەسەدى. ول دۇنيەگە كەلگەندە اناسىنىڭ نازارىن ەڭ الدىمەن شارانانىڭ كوزى وزىنە اۋدارتقان.
دارىگەرلەر دە ۋاقىت كەلە بۇل ەرەكشەلىك وزىنەن-ءوزى كەتىپ قالادى دەپ سەندىرگەن ەكەن. دەسە دە، دارىگەرلەردىڭ ايتقانى كەلمەدى.
ايتا كەتەيىك، يۋسۋي كۇننىڭ جارىق ساۋلەسىن جاقتىرا بەرمەيدى، الاكولەڭكە جەردى ۇناتادى. جەرلەستەرى ونى وسى قاسيەتىنە وراي «جۇلدىزدى بالا»، «وزگە پلانەتادان كەلگەن بالا»، «گيبريد» دەپ اتاپ كەتكەن.