استانادا اۆتورلىق اندەر فەستيۆالى وتەدى
18- رەت وتكىزىلگەلى وتىرعان شاراعا قازاقستان، رەسەي جانە ۋكراينا ەلدەرىنىڭ ورىنداۋشىلارى مەن اۆتورلارى قاتىسادى. بۇل تۋرالى استانا قالاسى اكىمىنىڭ رەسمي سايتى حابارلادى.
ۆلاديمير ۆاسيليەۆ (حاركوۆ)، رايسا نۋر (ماسكەۋ)، نادەجدا كوۆالەنكو (نوۆوسىبىر) جانە جەڭىس ىسقاقوۆ (ومبى) فەستيۆالدىڭ قۇرمەتتى قوناقتارى بولادى.
مەرەكەلىك باعدارلاماعا كونتسەرتتەر مەن كونكۋرستار ەندى. شارا ساعات 20.00 دە قالالار شەرۋىمەن اشىلادى، ساعات 21.00 دە فەستيۆال قوناقتارىنىڭ كونسەرتى وتەدى، ال ساعات 23.00 دەلەگاتسيالار ءوز ونەرلەرىن ورتاعا سالادى.
سەنبى كۇنى، 23- شىلدەدە اۆتورلىق اندەر فەستيۆالى تاڭعى ساعات 10.00 جاتتىعۋدان باستالادى. سودان كەيىن بالالار كونسەرتى، فەستيۆال قوناقتارىنىڭ قاتىسۋىمەن شىعارماشىلىق كەزدەسۋلەر مەن شەبەرلىك دارىستەرى، «پەگاس» كلۋبىنىڭ ادەبي- پوەتيكالىق وقۋلارى ۇيىمداستىرىلادى. سەنبىلىك كەش كونسەرتپەن اياقتالادى.
جەكسەنبى كۇنى گالا-كونسەرت پەن جەڭىمپازداردى ماراپاتتاۋ سالتاناتى وتەدى.
فەستيۆال قاراعاندى تاسجولىنىڭ بويىنداعى «پريچال» قوناق ۇيىندە وتەدى.