اقمولا وبلىسىنىڭ پوليتسەيلەرى ءبىر اپتا جوعالىپ كەتكەن كەلىنشەكتى تاپتى

كوكشەتاۋ. قازاقپارات - اقمولا وبلىسىندا كۇيەۋىنەن قاشىپ جۇرگەن ايەل تابىلدى.

بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.

پوليتسەيلەردىڭ دەرەگى بويىنشا 6 كۇن بويى ىزدەۋدە جۇرگەن ءۇش بالانىڭ اناسى كۇيەۋىنەن قاشىپ ساياجايدى پانالاعان.

شىلدەنىڭ 14- كۇنى كوكشەتاۋ قالالىق ءى ءى ب- ىنە 44 جاستاعى قالا تۇرعىنى حابارلاسىپ، ايەلىنىڭ ءىز-ءتۇسسىز جوعالىپ كەتكەنىن ايتقان. ەر ادامنىڭ سوزىنە قاراعاندا 1975 -جىلعى ايەل تاڭەرتەڭ ۇيىنەن جۇمىسىنا كەتىپ، كەيىن قايتىپ ورالماعان. وسىعان بايلانىستى قالالىق ءى ءى ب قىزمەتكەرلەرى ايەلگە ىزدەۋ جاريالايدى.

 پوليتسەيلەر انىقتاعانداي جوعالعان ايەل وبلىس ورتالىعىنداعى ساۋدا ۇيلەرىنىڭ بىرىندە ويىنشىق ساتۋمەن اينالىسادى. سونىمەن قاتار ونىڭ سپيرتتىك ىشىمدىككە اۋەس ەكەنى انىقتالدى. ونىڭ ۇيىنەن قاشۋىنا دا وسى سەبەپ بولعان.

شىلدەنىڭ 14 -كۇنى بارعان ونى تۇسكى ءۇزىلىس كەزىندە ديرەكتور ماس كۇيىندە ەكەنىن كورىپ، ۇيىنە جىبەرەدى. الايدا، ايەل كۇيەۋىنە قوعامدىق كولىكپەن ۇيىنە كەلە جاتقانىن حابارلاپ، ءبىراق ءوزى باسقا جاققا بەت الادى. كەشكە دەيىن دەيىن ايەلىن الاڭداپ توسقان ەر ادام كەلمەگەن سوڭ پوليتسياعا حابارلاسادى.

«قالالىق ءى ءى ب كريمينالدىق پوليتسيا ءبولىمىنىڭ قىزمەتكەرلەرى ءتۇرلى بولجامدار بويىنشا ايەلدى ىزدەۋگە كىرىسەدى. ناتيجەسىندە تانىستارىن تەكسەرۋ بارىسىندا جوعالعان ايەلدىڭ 80 جاستاعى اناسى قالا سىرتىندا تۇراتىن انىقتايدى. كەيىن ايەلدىڭ ءوزى دە وسىندا ساياجايداعى ۇيدەن تابىلادى. قازىرگى كەزدە ايەل تابىلىپ، وتباسىمەن قاۋىشتى»، دەپ كورسەتىلگەن حابارلامادا.

 اۆتور: اسلان وسپانوۆ