كۇلەكبايەۆ بىرنەشە مارتە قارۋلى توناۋ جانە قاراقشىلىق شابۋىلدارىنا قاتىسقان - الماتى ءى ءى د

الماتى. قازاقپارات - الماتىدا پوليتسيا قىزمەتكەرلەرىنە قارۋلى شابۋىل جاساعان كۇدىكتى كۇلەكبايەۆ بۇعان دەيىن اتىس قارۋىن قولدانىپ، ءبىرقاتار توناۋشىلىق جانە قاراقشىلىق شابۋىلدارعا قاتىسقان.

بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.

الماتىدا اسا اۋىر قىلمىستاردى جاساۋ ۇستىندە ۇستالعان كۇدىكتى ر. كۇلەكبايەۆتىڭ قىلمىستىق قىزمەتىن زەرتتەۋ بارىسىندا مىناداي جايتتەر انىقتالدى.

ول 2010 -جىلى شىمكەت قالاسىندا بازارلاردىڭ بىرىندە التىن بۇيىمدار ساتاتىن ساتۋشى ايەلدى كوزىنەن تاسا قىلماي، ارتىنان ۇيىنە دەيىن باقىلاپ بارىپ، ۇيگە كىرەبەرىس جەردە ونى سوققىعا جىققان. ءسويتىپ، سومكەسىن ۇرلاپ كەتكەن. ال سومكەنىڭ ىشىندە 115 مىڭ تەڭگە مەن ۇيالى تەلەفون بولعان.

پوليتسيانىڭ ازىرلەگەن سيپپاتاماسى بويىنشا كۇلەكبايەۆ كوپ ۇزاماي ۇستالدى. سوت ونى شارتتى تۇردە 3 جىلعا باس بوستاندىعىنان ايىرۋ تۋرالى ۇكىم شىعاردى.

2012 -جىلى  قىزىلوردا وبلىسىنىڭ كريمينالدى پوليتسيا باسقارماسىنىڭ قىزمەتكەرلەرى كۇلەكبايەۆتان پاتروندارى جانە دىبىس باسەڭدەتكىشى بار ريەۆولۆەر تاركىلەدى. سوت، سوتتالۋشى ر. كۇلەكبايەۆتى ق ر قىلمىستىق كودەكسىنىڭ (ەسكى رەداكسيا) 60- بابى نەگىزىندە، وڭتۇستىك قازاقستان وبلىسى، شىمكەنت قالاسى، ەڭبەكشى اۋداندىق سوتىنىڭ ۇكىمىمەن تاعايىندالعان شارتتى سوتتاۋ تۇرىندەگى جازانى جارتىلاي قوسا وتىرىپ، ونى 3 جىل 6 اي مەرزىمگە باس بوستاندىعىنان ايىردى. تۇرمەدە تۇزەتۋ كولونياسى قىزمەتكەرلەرىنە باعىنباۋ، بەلگىلەنگەن ءجۇرىپ-تۇرۋ تارتىپتەمەسىن بۇزعانى ءۇشىن كۇلەكبايەۆ 14 رەت تارتىپتىك جازاعا تارتىلعان.

قازىرگى ۋاقىتتا، سوتقا دەيىنگى تەرگەۋ جانە كەشەندى جەدەل-ىزدەستىرۋ شارالارى اياسىندا كۇلەكبايەۆتىڭ ەكى قارۋلى قاراقشىلىق شابۋىل جانە ەكى توناۋشىلىق ارەكەتتەرگە قاتىسى بارى تەكسەرىلىپ جاتىر.

كۇلەكبايەۆتىڭ جاۋابىنا قاراعاندا، ول كوپ جاعدايدا ايەلدەر مەن جالعىز كەتىپ بارا جاتقان جاياۋ جۇرگىنشىلەرگە شابۋىل جاساپ كەلگەن. ول ادەتتە ءوزىنىڭ قۇرباندارىن بازارلار مەن دۇكەندەردىڭ ماڭىنان تورۋىلدايتىن بولعان.

وقيعالاردىڭ بىرىندە ول ايەلگە شابۋىل جاساعان. ونى قۇلاتىپ، ازىق-تۇلىك سالىنعان پاكەتىن جانە 100 مىڭنان استام تەڭگەسىن جىمقىرعان.

باسقا ءبىر جاعدايدا ايەل 500 مىڭ تەڭگەسىنەن ايرىلعان.

سونىمەن قاتار، كۇدىكتىنىڭ ءومىر ءسۇرۋ سالتىن جانە اينالاسىمەن بايلانىسىن زەردەلەۋ بارىسىندا ونىڭ ءوز وتباسىندا دا وزبىرلىق، زورلىق- زومبىلىق كورسەتكەنى انىقتالدى.

جۇبايىنىڭ جاۋابىنا قاراعاندا، جۇبايلىق ءومىردىڭ العاشقى جىلدارىندا كۇلەكبايەۆ ايەلىن حيدجاب كيۋگە ماجبۇرلەگەن ايتپەسە جازالايتىندىعىن ايتىپ قورقىتقان.

سونداي-اق، ايەلى تەرگەۋشىلەرگە كۇيەۋىنىڭ تۇراقتى جۇمىسىنىڭ بولماعاندىعىن، كەزدەيسوق تابىستارمەن كۇنەلتىپ كەلگەندىگىن ايتتى.

قازىر كۇلەكبايەۆتىڭ ءبىرىنشى ايەلىنەن دە جاۋاپ الىنىپ جاتىر. كۇلەكبايەۆ تۇرمەدەن بوساپ شىققان سوڭ، 2015 -جىلدىڭ سوڭىنا دەيىن الماتىدا ۋاقىتشا جالعا العان پاتەردە وسى ءبىرىنشى ايەلىمەن تۇرىپ كەلىپتى. ءبىرىنشى ايەلى ونىڭ مىنەزىنىڭ تۇراقسىزدىعىن راستادى.

ەستەرىڭىزگە سالا كەتەلىك، قازىرگى تاڭدا قۇقىققا قايشى ارەكەتتەر دەرەكتەرى بويىنشا، كۇلەكبايەۆقا قاتىستى ق ر قىلمىستىق كودەكسىنىڭ 99- بابىنىڭ 2- تارماعى، 269- بابىنىڭ 2- تارماعى، 380- بابىنىڭ 2- تارماعى، 255- بابىنىڭ 4- تارماعى، 291- بابىنىڭ 1- تارماعى جانە 200- بابىنىڭ 4- تارماعى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.

بۇل دەرەكتەر الماتى قالاسىنىڭ المالى اۋداندىق ءى ءى ب مەن ق ر  ۇ ق ك الماتى قالاسى بويىنشا دەپارتامەنتىنىڭ سوتقا دەيىنگى تەرگەۋ تىزىلىمىنە ەنگىزىلدى.

ودان باسقا، كۇدىكتى 18 -شىلدەگە قاراعان ءتۇنى 03 ساعات 30 مينۋتتا اۆتوكولىك جۇرگىزۋشىسىنە قاراقشىلىق شابۋىل جاساعان.

بۇل دەرەككە قاتىستى ق ر ق ك 192- بابىنىڭ 2- تارماعىندا قاراستىرىلعان قىلمىستار نىشاندارى بويىنشا سوتقا دەيىنگى تەرگەۋ شارالارى جۇرگىزىلۋدە.

وسىدان بىرنەشە مينۋتتان كەيىن ول جاس ايەلدى ولتىرەدى. بۇل دەرەك بويىنشا ق ر ق ك 99- بابىنىڭ 1- تارماعى بويىنشا سوتقا دەيىنگى تەرگەۋ شارالارى جۇرگىزىلىپ جاتىر.

اۆتور: ايبوتا جاپپاربەرگەن