كولىك پوليتسەيلەرى قوس ازاماتتىق يەلەنگەن قازاقستاندىقتاردى انىقتادى

استانا. قازاقپارات - كولىك پوليتسەيلەرى قوس ازاماتتىق العان قازاقستاندىقتاردى انىقتادى، دەپ حابارلايدى كولىكتەگى ءى ءى د باسپا ءسوز قىزمەتى.

«19 -شىلدەدە الماتى قالاسى اۋەجايىنداعى جەلىلىك پوليتسيا بولىمىنە شەكارا قىزمەتى قىزمەتكەرلەرىنەن - «الماتى- فرانكفۋرت» رەيسىمەن ۇشپاقشى بولعان، ق ر جانە ا ق ش ازاماتتىعىن العان قازاقستان رەسپۋبليكاسىنىڭ 1974 -جىلعى ازاماتىنا قاتىستى، سونداي-اق، «الماتى- انتاليا» رەيسىمەن ۇشىپ كەلگەن، ق ر جانە تۇركيا رەسپۋبليكالارىنىڭ ازاماتتىقتارىن العان قازاقستان رەسپۋبليكاسىنىڭ 1978 جانە 1953 -جىلعى ازاماتشالارىنا قاتىستى ءۇش حابار كەلىپ ءتۇستى»، دەلىنگەن حابارلامادا.

الماتى قالاسى اۋەجايىنداعى جەلىلىك پوليتسيا ءبولىمىنىڭ قىزمەتكەرلەرىمەن ۇستالعان ازاماتتارعا قاتىستى ەكى باپ، ياعني، ق ر ا ق ب ت ك- نىڭ 496-بابىنىڭ 1-تارماعى (قازاقستان رەسپۋبليكاسىنىڭ ازاماتتىعىنان ايىرىلعان ادامنىڭ قازاقستان رەسپۋبليكاسى ازاماتىنىڭ پاسپورتىن جانە (نەمەسە) جەكە كۋالىگىن پايدالانۋى) بويىنشا جانە 492-باپتىڭ 2-تارماعى (قازاقستان رەسپۋبليكاسىنىڭ زاڭناماسىندا بەلگىلەنگەن مەرزىمدەردە شەتەل ازاماتتىعىن الۋ فاكتىسىن حابارلاماۋ) بويىنشا اكىمشىلىك حاتتاما ءتۇزىلدى.

بارلىق ماتەريالدار الماتى قالاسىنىڭ اۋدانارالىق اكىمشىلىك سوتىنا الداعى ۋاقىتتا شەشىم شىعارۋ ءۇشىن جىبەرىلدى.