ريو وليمپياداسىنا باراتىن بالۋانداردىڭ قۇرامى بەكىتىلدى
بۇل تۋرالى فەدەراتسيانىڭ باسپا ءسوز قىزمەتى حابارلادى.
جيىندا ۇلتتىق قۇراما سپورتشىلارىنىڭ كەلە جاتقان ريو-دە-جانەيروداعى وليمپيادا ويىندارىنا دايىندىعى تالقىلاندى. ءماجىلىس بارىسىندا كۇرەس تۇرلەرىنىڭ باس باپكەرلەرى وقۋ- جاتتىعۋ جيىندارىنىڭ ءوتۋ بارىسىن جانە بالۋانداردىڭ قازىرگى دەڭگەيىن ايتىپ بەردى. وندا گرەك-ريم بالۋاندارىنىڭ جەتەكشىسى تاڭات ساعىندىقوۆ الماتى وبلىسىندا ءوتىپ جاتقان سوڭعى جاتتىعۋ جيىندارىنىڭ ماڭىزدىلىعىن اتاپ ءوتتى.
«وسى دايىندىقتاردا سپورتشىلاردىڭ فيزيكالىق جانە تاكتيكالىق تۇرعىدا تولىققاندى دامۋىنا بارلىق جاعداي جاسالعان. ايتار بولساق، قۇرامامىزدىڭ ەڭ اۋىر سالماقتا ونەر كورسەتەتىن نۇرماحان تىنالييەۆتىڭ دايىندىقتارىنا كۇرەس فەدەراتسياسى ق ر مادەنيەت جانە سپورت مينيسترلىگىنىڭ، سپورتتىق جەكپە-جەك جانە كۇش قولداناتىن سپورت تۇرلەرى كونفەدەراتسياسىنىڭ قولداۋىمەن سپاررينگ-سەرىكتەس رەتىندە لوندون وليمپيالداسىنىڭ جۇلدەگەرى، ليتۆالىق مينداۋگاس ميزگايتيس پەن وليمپيادا ويىندارىنىڭ قاتىسۋشىسى بەلارۋستىك يوسيف چۋگوشۆيلي شاقىردىق»، - دەپ اتاپ ءوتتى ساعىندىقوۆ.
ەركىن كۇرەس قۇراماسىنىڭ باس باپكەر سەرگەي بەلوگلازوۆ تا ءوز سپورتشىلارىنىڭ دايىندىعى جوعارى دەڭگەيدە ءوتىپ جاتقاندىعىن حابارلادى. ول جەڭىل سالماقتاعى نۇريسلام سانايەۆقا دا رەسەي فەدەراتسياسىنان بىرنەشە سپاررينگ-سەرىكتەستىڭ كەلگەندىگىن اتاپ ءوتتى. سونىمەن قاتار، جيىندا ايەلدەر قۇراماسىنىڭ جەتەكشىسى قايرات ساعاديەۆتە قالاي جاتتىعۋ جاساپ جاتقانىن بايانداپ، قىزداردىڭ ريو وليمپياداسىنا تولىعىمەن دايىن ەكەنىن جەتكىزدى. سونداي-اق، قايرات ساعاديەۆ: «الدا برازيليادا سوڭعى وقۋ-جاتتىعۋ جيىندارىن وتكىزەمىز. بۇل سپورتشى قىزدارىمىزدىڭ اعزاسىن جەرگىلىكتى كليماتقا بەيىمدەلۋىنە كومەكتەسەدى»، - دەپ اتاپ ءوتتى.
جينالىس سوڭىندا بيۋرو مۇشەلەرىنى وليمپيادا ويىندارىنا قاتىساتىن ۇلتتىق قۇرامانىڭ ناقتىلى ءتىزىمىن بەكىتتى. ەستەرىڭىزگە سالا كەتەيىك، وتكەن جىلى باپكەرلەر كەڭەسى وليمپيادا ويىندارىنا ارنالعان ۇلتتىق قۇرامانى ىرىكتەۋ شارتتارىن انىقتاعان بولاتىن. سوڭعى ءبىر جىل بويى وتكىزىلگەن چەمپيوناتتاردىڭ جانە تۋرنيرلەردىڭ قورىتىندىلارى، بىرىككەن كۇرەس الەمى (UWW) ۇسىنعان الەمدىك رەيتينگتەگى دەڭگەيى جانە دە ءتورتجىلدىقتىڭ باستى جارىسىنا ۇتىپ العان ليتسەنزياسى قاراستىرىلعان. جوعارىدا كورسەتىلگەن شارتتاردى ەسكەرە وتىرىپ، بيۋرودا ۇلتتىق قۇرامامىزدىڭ ناقتى ءتىزىمىن بەكىتتى. سونداي-اق، بيۋرو وتىرىسىندا باپكەرلەر كەڭەسى، كوماندالىق ءتارتىپ جانە انتي- دوپينگ ماسەلەسى جايلى ءسوز قوزعادى. وتىرىس بارىسىندا بارلىق باپكەرلەرگە ءوز شاكىرتتەرىنە دوپينگپەن كۇرەسۋ جايلى ارنايى كۋرستاردى وتكىزۋدى تاپسىرىدى. انتي- دوپينگ ەرەجەلەرىن بۇزعان سپورتشىلارعا ەڭ قاتاڭ جازا قولدانىلاتىنى دا ەسكەرتىلدى.
اۆتور: كۇنسۇلتان وتارباي