امان قالعان ازاماتتىڭ ايتۋىنشا، سودىر تۇراقتا تۇرعان كولىك جۇرگىزۋشىسىنە قارۋ كەزەنىپ، كولىگىن بوساتۋىن تالاپ ەتكەن. سودىردىڭ بۇل قىلىعىن ءاۋ باستا قالجىڭ دەپ ويلاعان جۇرگىزۋشى، اۆتوماتپەن وق اتىلعان سوڭ قاشۋعا تۋرا كەلگەنىن ايتادى.
«كولىكتە وتىرعانمىن، اۆتوماتپەن كەلدى. ءوزىم تۇسىنبەي قالدىم. بىرەۋ ويناپ جاتىر ما دەپ ويلادىم. وسىدان كەيىن ماعان شىق دەدى. ءمان بەرمەي وتىرعانمىن، ءبىر ۋاقىتتا اتتى. سودان كەيىن شىقتىم. كولىكتىڭ ەسىگىن اشىپ، ماشيناعا قايتا كەلدى. ءبىراق كولىكتىڭ ەسىگىن جاۋىپ قايتادان كەتىپ قالدى»، - دەيدى مۇرات ەسىمدى كولىك جۇرگىزۋشىسى.
بەلگىلى بولعانداي، سودىر كولىكتى الماي ءارى قاراي جاياۋ كەتكەن ەكەن.
ەسكە سالا كەتەيىك، 18 - شىلدە كۇنى كۇندىزگى ساعات 11 - شاماسىندا الماتىدا پوليتسەيلەر مەن بەلگىسىز ادامدار اراسىندا اتىس بولدى. سالدارىنان 5 ادام قازا تاپتى.
الماتىداعى اتىسقا بۇرىن ادام ولىمىنە قاتىستى بولعان 27 جاستاعى قىزىلوردا وبلىسىنىڭ تۋماسى كىنالى دەپ ايتىلۋدا. كەيىن ءى ءى م الماتىداعى اتىسقا قاتىسى بار ەكىنشى كۇدىكتىنىڭ قولعا تۇسكەنىن راستادى.
ال الماتى قالاسىندا تەررورلىق قاۋىپتىڭ قىزىل دەڭگەيى الىنىپ تاستالدى.