جۇگەرىنىڭ دەنساۋلىققا پايداسى بار ما؟
جۇگەرىنىڭ قۇرامى مونو جانە ديساحاريدتەرگە، قانىقپاعان ماي قىشقىلدارىنا، سۋ، كراحمالعا وتە باي. سونداي- اق ونىڭ قۇرامىندا В9, Е, РР, В1, В2, В5, С دارۋمەندەرى جانە نياتسين، حولين بار. بۇل ءونىم - قۇرامىنداعى تەمىردىڭ كوپتىگىنەن چەمپيون.
عىلىمي زەرتتەۋلەردىڭ ناتيجەسىندە، جۇگەرىنىڭ جوعارى تاعامدىق جانە بيولوگيالىق بەلسەندىلىگى دالەلدەنگەن. ەگەر ءسىز وسى ءونىمدى كۇندەلىكتى راتسيونىڭىزعا قوسساڭىز، اعزاڭىزدا زات الماسۋ پروتسەسسى ايتارلىقتاي جاقسارادى. ناتيجەسىندە، دەنساۋلىعىڭىز دا جاقسارىپ، يممۋنيتەتىڭىز كۇشەيەدى. قۋىرىلعان جۇگەرىگە قاراعاندا، قايناتىلعان جۇگەرى پايدالى بولادى. قايناتىلعان جۇگەرى تەرىنىڭ قارتايۋىن تەجەيدى جانە قاتەرلى ىسىك دامۋىن بولدىرمايدى.
سونىمەن قاتار، زات الماسۋ بۇزىلعان كەزدە، باۋىر اۋرۋى، جۇرەك- قان تامىرلارى اۋرۋىن ەمدەۋ كەزىندە پايدالى. جۇگەرىنى ءوت تاسى، حولانگيت جانە حولەتسيستيت بەلگىلەرىن جەڭىلدەتۋ ءۇشىن پايدالانۋىڭىزعا بولادى. گاستريت كەزىندە ۇنتاقتالعان جۇگەرى سورپاسىن پايدالانۋ ۇسىنىلادى. ونىڭ اسقازاننىڭ شىرىشتى قاباتىنا دا پايداسى كوپ.