رەسەي وزدەرىن ۇياتقا قالدىرعان فۋتبولدان ۇلتتىق قۇراماسىن تاراتىپ جىبەردى
02:18, 19 - شىلدە 2016
استانا. قازاقپارات - كرەمل رەسەي فەدەراتسياسىنىڭ فۋتبول قۇراماسىن تاراتۋ تۋرالى پەتيتسيانى سپورت مينيسترلىگىنە جولداعان بولاتىن.
مينيستر ۆيتالي مۋتكو فۋتبولدان رەسەي قۇراماسىن تاراتۋدى وتىنگەن پەتيتسياعا قاتىستى تۇسىنىك بەردى دەپ جازادى bnews.kz.
«قۇراما جوق، ول تاراتىلدى»، - دەپ ءمالىم ەتتى سپورت ءمينيسترى.
ايتا كەتەيىك، لەونيد سلۋتسكي ءوزىن تولىقتاي س س ك ا كومانداسىنىڭ جۇمىسىنا باعىشتايتىن بولعاندىقتان، وسى سەبەپتەن بۇگىنگى كۇنى ۇلتتىق قۇراماعا جاڭا جاتتىقتىرۋشى ىزدەستىرىلىپ جاتىر. ال ونىڭ ورنىنا كەلەتىن مامان قۇرامانى قالىپتاستىرۋى ءتيىس.
رەسەي قۇراماسىن تاراتۋ تۋرالى پەتيتسياعا 900 مىڭنان استام ادام قول قويعان. ەسكە سالا كەتەيىك، پەتيتسيا جاريالاۋعا قۇرامانىڭ ەۋرو-2016 چەمپيوناتىنداعى سۇرەڭسىز ويىنى جانە جەڭىلىستەن سوڭ الەكساندر كوكورين، پاۆەل مامايەۆ سىندى فۋتبولشىلاردىڭ قىمبات شامپان ءىشىپ، ساۋىق قۇرۋى تۇرتكى بولعان ەدى.