«وسىنداي جاعدايدى كوردىك. ۇشاققا تيگەن سياقتى. سوڭىنان قارا ءتۇتىندى اڭعاردىق. الايدا جارىلىستى ەستىمەدىك. مۇنى ەسەپتەمەگەندە بارلىعى تىنىش. الاڭداماڭىزدار. بۇيىرعانى بولادى»، - دەپ جازعان اتىراۋ تۇرعىنى مۇرات دوستارىنا ۆيدەو جىبەرگەن.
انتاليادا دەمالىپ جۇرگەن اتىراۋلىق تۋريستەردىڭ ءبىرى دە دەمالىسىن ۇزۋگە نيەت تانىتپادى.
«قازىر تۋريستىك اگەنتتىكتەردىڭ تۋرلارىن ساتىپ العان وبلىسىمىزدىڭ 235 تۇرعىنى تۇركيادا. اگەنتتىكتەگى دەمالىستى ءۇزۋ جايلى ءبىر دە ءوتىنىش تۇسپەدى. تۇركياعا بارايىن دەپ جاتقاندار دا رايىنان قايتپاعان. سەيسەنبى كۇنى انتالياعا كەزەكتى چارتەر جىبەرىلەدى. بارلىق 235 ورىن ساتىلىپ الىندى»، - دەدى اتىراۋ وبلىسى بويىنشا كاسىپكەرلىك جانە يندۋستريالدىق-يننوۆاتسيالىق دامۋ باسقارماسى باسشىسىنىڭ ورىنباسارى قارلىعاش بەكبايەۆا.