استانادا قارۋ- جاراق ساتاتىن دۇكەندەر جابىلدى

استانا. قازاقپارات - استانادا قارۋ-جاراق ساتاتىن دۇكەندەر بۇگىنگى جۇمىسىن توقتاتىپ جاتىر.

«ياگۋار- استانا»، «MAGNUM PLUS»  جانە «كامال» قارۋ-جاراق دۇكەندەرى بۇل اقپاراتتى راستاپ وتىر.

وعان سەبەپ - بىرنەشە ساعات بۇرىن الماتى قالاسىنداعى تەررورلىق ارەكەت. ال، «وحوتنيك» دۇكەنىنىڭ قىزمەتكەرلەرى جۇمىسىن توقتاتسا دا، ونىڭ سەبەبىن ايتۋدان باس تارتتى.

اقپاراتتى تولىقتىرۋ ءۇشىن استانا قالالىق ىشكى ىستەر دەپارتامەنتىنە حابارلاسقانىمىزبەن، بۇل ماسەلەگە قاتىستى قالالىق ءى ءى د باسپا ءسوز قىزمەتى ازىرگە قانداي دا ءبىر مالىمدەمە جوق ەكەنىن ايتتى.

ەستەرىڭىزگە سالا كەتەيىك، بۇگىن تاڭەرتەڭ الماتى قالاسىندا ورىن العان قارۋلى اتىسقا بايلانىستى، قالاداعى بارلىق 15 قارۋ- جاراق دۇكەنى بەلگىسىز مەرزىمگە دەيىن جۇمىستارىن توقتاتتى.

اۆتور: كەنجەكەي توقتامۇرات قىزى