بۇل تۋرالى قازاقستان رەسپۋبليكاسىنىڭ ۇلى بريتانياداعى ەلشىلىگىنىڭ باسپا ءسوز قىزمەتى حابارلادى.
قازاقستاننىڭ «كازبات» بىتىمگەرشىلىك باتالونى ۇلى بريتانياعا «دالا قىرانى-2016» ارنايى تاكتيكالىق وقۋ-جاتتىعۋىنا قاتىسۋ ءۇشىن ۇشىپ كەلگەن. ولار حيتروۋ اۋەجايىندا پاسپورتتىق باقىلاۋ كەزىندە ءوزىن جايسىز سەزىنگەن جولاۋشى ايەلگە العاشقى مەديتسينالىق جاردەم جاسادى. كومەك اۋەجايدىڭ مەديتسينالىق قىزمەتى وكىلدەرى كەلىپ جەتكەنگە دەيىن دەر كەزىندە كورسەتىلدى.
«دالا قىراندارى-2016» حالىقارالىق ارنايى تاكتيكالىق وقۋ-جاتتىعۋىنا قازاقستان، بىرىككەن كورولدىك، ا ق ش، قىرعىزستان، تاجىكستان ەلدەرىنىڭ اسكەري قىزمەتكەرلەرى قاتىسادى. ول 16-30- شىلدە كۇندەرى ارالىعىندا ۇلى بريتانيادا وتەدى.