تۇركياداعى وقيعادان كەيىن الماتىدان ىستامبۇلعا العاشقى رەيس ۇشتى
بۇعان دەيىن حابارلاعانىمىزداي، قازاقستان تۇركياداعى جاعداي تىنىشتالعانعا دەيىن، بۇگىن تاڭەرتەڭ ۇشۋى ءتيىس 13 رەيستى كەيىنگە شەگەرگەن بولاتىن. ال، ەير استانا اۋە كومپانياسى تۇركياعا ۇشۋدان ءوز ەركىمەن باس تارتقان ازاماتتارعا بيلەتتىڭ تولىق قۇنىن قايتارىپ بەرەتىنىن ءمالىم ەتكەن بولاتىن.
«ەير استانا» اۋە كومپانياسىنىڭ رەيستەرى ارقىلى تۇركياعا بيلەت العان، ءبىراق، سوڭعى جاعدايلارعا بايلانىستى ساپارىنان باس تارتقىسى كەلگەن ازاماتتارعا بيلەتتىڭ تولىق قۇنىن ەشقانداي ايىپپۇلسىز قايتارىپ بەرەدى. سونداي-اق، ساپارلارىنىڭ ايى مەن كۇنىن ايىپپۇلسىز اۋىستىرىپ بەرەدى. بۇل 2016 -جىلدىڭ 15 تامىزىنا دەيىن ىستامبۇل مەن انتالياعا ۇشاتىن رەيستەرگە قاتىستى»، - دەپ حابارلاعان بولاتىن كومپانيا.
تۇركيادا مەملەكەتتىك توڭكەرىس ارەكەتى 15 -شىلدە، جۇما كۇنى باستالعان بولاتىن. توڭكەرىستى ءبىر توپ اسكەريلەر ۇيىمداستىرعان.