كۇندىزگى السىزدىك پەن ۇيقىشىلدىقتى جويۋدىڭ ەڭ وڭاي جولى

استانا. قازاقپارات - شىلدەنىڭ شىلىڭگىر ىستىعىندا كوبىمىز السىزدىكتى، شارشاڭقىلىق پەن ۇيقىشىلدىقتى سەزىنۋىمىز مۇمكىن (اسىرەسە تۇستەن كەيىنگى ۋاقىتتا).

مىنە، جۇمىس ۋاقىتىندا ادامنىڭ ءوزىن-ءوزى سەرگەك ءجۇرۋى ءۇشىن كەلەسى كەڭەستەرىمىزدى ۇسىنامىز:

جۇمىستىڭ كۇش-قايراتىڭىزعا ساي كەلۋى. مىسالى، ماڭىزدى، قيىن جۇمىستاردى تۇسكە دەيىن اياقتاپ، ال تۇستەن كەيىنگى ۋاقىتقا جەڭىل جۇمىستاردى قالدىرىڭىز.

ۇزاق وتىرماڭىز. جۇمىس بارىسىندا ورنىڭىزدان تۇرىپ، جاتتىعۋلار جاساپ تۇرىڭىز.

كوفەنى كوپ ىشپەڭىز. كوفەنى ۇيقىنى اشقانداي بولادى، تەك ۋاقىتشا عانا. شىن مانىندە ول اعزانى السىرەتىپ تاستايدى.

قۇران نەمەسە جاعىمدى اۋەن تىڭداڭىز.

قۇران تىڭداۋ جۇيكەنى تىنىشتاندىرىپ قانا قويمايدى، دەنساۋلىعىمىزعا دا وتە پايدالى.

دۇرىس ۇيىقتاۋ. ول ءۇشىن تەلەفون، سمارتفوندى ۇيىقتار الدىندا كەم دەگەندە 1-2 ساعات بۇرىن ءوشىرىپ تاستاڭىز. سەبەبى ولار تىنىعىپ، ەرتەڭگى كۇنى سەرگەك جۇرۋىڭىزگە كەدەرگى كەلتىرەدى.

دەرەككوز: asylsoz.kz